Ephesiko lạgitʼ Pạul Apostolakʼ ciṭhi 3:20 - সান্তালী বাইবেল

²⁰ Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ḍher bạ̃ṛtiye kạmiyeda.

Santali Common Language New Testament

²⁰ Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ạḍi bạ̃ṛtiye kạmiyeda.

Ephesiko lạgitʼ Pạul Apostolakʼ ciṭhi 3:20 Iomraidhean Croise

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

2 Samuel 7:19

E Probhu Isor am samaṅre noage ḍher do baṅ hoyakana; inạ sãote amren gutiyakʼ bõsrenkoakʼ tayom daram katha hõm lạiyeda. E Probhu Isor, niạge jemon manwa lạgitʼ amakʼ bondobos hoyokʼ.

1 Rapajko 3:13

Ona chaḍa am oka bam koeyakatʼ ona hõń emam kana. Iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

2 Bõsbudạ 25:9

Unre Amasiạ do Isorren hoṛe metadea, “Noko Israelren lạṛhại phạdko lạgitʼ iń oka pe hajar are sae rupạń emakatʼ ona reakʼ do cetʼ hoyokʼa?” Isorren hoṛe roṛ ruạṛkeda, “Isor do ona khon hõ bạ̃ṛtiye em daṛeama.”

2 Bõsbudạ 9:12

Seba rạni okae monsubạketʼ are koeketʼ ona jotowakʼge Solomon raj do uniye emadea. Ar rạni uni lạgitʼ okae ạguletʼ ona khon hõ bạ̃ṛtiye emadea. Inạ tayom rạni do acʼren hoṛkoante acʼakʼ disạmteye ruạṛ calaoena.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 32:27

“Iń Probhu Isorge, sanam manwakoren Isor kạnạń. Iń lạgitʼ Jãhãnakʼ cekae do cetʼ baṅ hoedaṛeakʼa?

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Johan 10:10

Kombṛo do eken kombṛo, khũn ar nonosṭo lạgitʼe hijukʼa. Iń doń hecʼakana jemon jionko ńam, ar ona jion jemon sareṛokʼtako.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Romiko lạgitʼ Pạul Apostolakʼ ciṭhi 4:21

Abraham do purạte noae pạtiạukʼkan tahẽkana je, Isor okaṭakʼe gokʼakawade ona purạu lạgitʼ daṛe do menakʼgetaea mente.

1 Korinthiko 2:9

Menkhan sonot sostor reakʼ katha leka; “Isor okoeko dulạṛedekan onko lạgitʼ uni okakoe ṭhik dohoakatʼ, ona do okoe hõ mẽtʼte bako ńelakada, luturte bako ańjom akada ar hudis hõ bako hudis akada.”

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛokʼ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

Ephesiko lạgitʼ Pạul Apostolakʼ ciṭhi 3:7

Isor do acʼakʼ maraṅ daṛete okaṭakʼe daya akadiń ona daya reakʼ dan lekate uni do bhage sombat porcar lạgitʼ kạmiye emakawạdińa.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

Ibriko 11:19

Abraham do uni dãṛẽye lạgitʼe rạjiyena, ente uni doe pạtiạukʼkan tahẽkana Isor do gocʼko hõe jiwetʼ beretʼ daṛeakoa mente. Ar gujukʼ duạr khon Abraham do Isạhake ńam ruạṛkedea.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Jakob 4:12

Eken mitʼ hoṛge menaea okoe do ạn-ạrikoe emokʼkan are bicạrkan. Unigeye rukhiyạ daṛeakʼa are marao daṛeakʼa. Am dom okoekante am aḍepaseren hoṛakʼ doskom ńam baṛayeda?

2 Patras 1:11

Noa iạte aboren Probhu ar babańcaoicʼ Jisu Mạsiyakʼ jaejug rajosṭire jid salakʼpe ataṅ ocokʼa.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.