Ephesiko lạgitʼ Pạul Apostolakʼ ciṭhi 3:1 - সান্তালী বাইবেল

¹ Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Santali Common Language New Testament

¹ Noa iạte iń Pạul do Isor ṭheniń koejoṅ kana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoeakana.

Ephesiko lạgitʼ Pạul Apostolakʼ ciṭhi 3:1 Iomraidhean Croise

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 23:18

Unre subedar do uni koṛa maraṅ subedar ṭhene idikedea are metadea, “Pạul ińe hohowạdińte nui koṛa am ṭhen ạguiye reakʼe metadińạ, ente uni do am ṭhen thoṛa roroṛteakʼ menakʼtaea.”

Aposkạmi 26:29

Pạule menkeda, “Thoṛare hõ se ḍherre hõ, iń do Isor ṭheniń koejoṅ kana, eken am eskar do baṅ bickom teheń tinạkʼ do ińakʼ kathako ańjometʼkan onko sanamko jemon iń lekako hoyokʼ, eken noa sikṛi chaḍa.”

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

2 Korinthiko 1:6

Ale okaṭakʼ dukle jometʼkan ona do apeakʼ jiwi raṛecʼ ar bańcaope lạgitʼgele onkayeda; ar oka jiwiraṛecʼle ńametʼkan ona do ape lạgitʼgele ńametʼkana. Ale leka tinre ona dukpe joma unre niạ jiwi raṛecʼ do ona duk sahao lạgitʼe goṛowapea.

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiyakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.

Galathiko lạgitʼ Pạul Apostolakʼ ciṭhi 5:11

E boehako, ńitokʼ hõ khatnakʼ reakʼ iń porcaretʼ khan, enḍekhan cedakʼ ńitokʼ hõń santao ocokʼkana? Kurus cetanre Mạsiyakʼ gujukʼ reakʼ tạkicʼakʼ ma coṅ maraoen.

Galathiko lạgitʼ Pạul Apostolakʼ ciṭhi 5:2

Ńelpe, iń Pạul do apeń metapekana, apepe khatnakʼkan khan enḍekhan Mạsire jãhãn kuṛại do bạnukʼtapea.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

Ephesiko lạgitʼ Pạul Apostolakʼ ciṭhi 3:11

Ar noage uniyakʼ do jaejug reakʼ monsubạ tahẽkantaea, ar ona monsubạge aboren Probhu Jisu Mạsi hoteteye purạukeda.

Ephesiko lạgitʼ Pạul Apostolakʼ ciṭhi 3:13

Onateń nehõrokʼ kana, ape lạgitʼ duk ar sasetiń jometʼte dil alope adtapea, ente ona jotowakʼ do apeakʼ man lạgitʼ hoyakana.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Kolossiko lạgitʼ Pạul Apostolakʼ ciṭhi 4:18

Iń Pạul do ińakʼ tite noa johar kathań oleda. Disạipe iń doń kạidi kana. Isore dayawape ma.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

Philimon 1:1

Iń Pạul do Mạsi Jisuren kạidiń hoyakana. Iń ar ạlińren pạtiạricʼ boeha Timothi do ạlińren dulạṛiạ gate ar são kạmiyicʼ Philemon ṭhen,

Philimon 1:23

Epaphrase hõe joharam kana; uni do Jisu Mạsi iạte iń tulucʼ hajotre menaea.

Philimon 1:9

enhõ dulạṛ iạte iń do ona bodolte amiń nehõram kana. Mitʼṭen haṛam hoṛ lekate ar ńitokʼ Jisu Mạsi lạgitʼiń bondi akante iń Pạul do am ṭhen ińren hopon Onesimus lạgitʼ iń nehõram kana. Hajotre ińakʼ bondi dosare uni do biswạsi lekate ińren hopone hoyakana.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.