Ephesiko lạgitʼ Pạul Apostolakʼ ciṭhi 2:4 - সান্তালী বাইবেল

⁴ Menkhan Isor do mãyãteye perecʼgea; uni do ạḍiye dulạṛetʼ bona.

Santali Common Language New Testament

⁴ Menkhan Isor do mãyãteye perecʼgea; uni do ạḍiye dulạṛetʼ bona.

Ephesiko lạgitʼ Pạul Apostolakʼ ciṭhi 2:4 Iomraidhean Croise

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Sereńko 145:8

Probhu Isor do daya are mãyãwạnicʼ kana; uni do usạrate bae edre hodokʼa ar uniyakʼ dulạṛ do asambheṛgetaea.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Exodus 33:19

Probhu Isore menkeda, “Iń do ińakʼ sanam ṭhonokiń udukʼama. Ar am samaṅre ińakʼ ‘Probhu Isor’ ńutumiń lại jạhira. Ińakʼ sanaleka okoeyiń dayawae unigeń dayawaea, ar okoe hoṛ iń mãyãwae, unigeń mãyãwaea.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Daniel 9:9

Aleren Probhu Isor do dayakʼicʼ ar ikʼkạyicʼ Isor kanae, enhõ ale do am upạrtele hul akada.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Romiko lạgitʼ Pạul Apostolakʼ ciṭhi 10:12

Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu Isor kanae. Okoe acʼko hohowaekan onkore uni do asambheṛ bhor dane dul akokana.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Romiko lạgitʼ Pạul Apostolakʼ ciṭhi 5:8

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,