Ephesiko lạgitʼ Pạul Apostolakʼ ciṭhi 2:18 - সান্তালী বাইবেল

¹⁸ Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Santali Common Language New Testament

¹⁸ Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Ephesiko lạgitʼ Pạul Apostolakʼ ciṭhi 2:18 Iomraidhean Croise

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Johan 10:7

Onate Jisu do arhõe metatʼkoa, “Sạrigeń metapekana, ińkangeạń bhiḍiko reakʼ duạr do.

Johan 10:9

Duạr do ińge. Ente jãhãege iń secʼte bhitriteye bolokʼ uni do bańcaoe ńama. Uni do bhitriteye bolokʼa ar bahreteye oḍokokʼa ar ạtiń lạgitʼ jaegae ńama.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Ephesiko lạgitʼ Pạul Apostolakʼ ciṭhi 3:14

Serma ar dhạrtiren sanam jiwiyanko modre mitʼke mitʼ gusṭiren okoe do uniren hopon menteko ńumogokʼkan uni Baba samaṅre iń doń ikṛumokʼkana.

Ephesiko lạgitʼ Pạul Apostolakʼ ciṭhi 4:4

Isore hohoakatʼpe iạte apere eken mitʼṭecʼ asge menakʼa, mitʼ hoṛmoge menakʼa ar mitʼ sonot Jiuge menaea,

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Jakob 3:9

Noa alaṅte aboren Probhu Isor, metakʼme Isor Baba bon sarhaoede kana, arhõ noa alaṅte uniyakʼ muṭhạnte benao akan hoṛ bon sarapako kana.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.