Ephesiko lạgitʼ Pạul Apostolakʼ ciṭhi 2:11 - সান্তালী বাইবেল

¹¹ Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

Santali Common Language New Testament

¹¹ Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

Ephesiko lạgitʼ Pạul Apostolakʼ ciṭhi 2:11 Iomraidhean Croise

Jeheskel 20:43

Onḍe apeakʼ lahateakʼ colon reakʼ katha ar okako kạmi hotete apnartetʼpe bhonḍlen onakope disạya ar apeakʼ sanam bạṛicʼ kạmiko iạte apnartetʼpe hirkhạjoṅa.

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Mathae 20:7

“Onko doko metadea, ‘okoe hõ kạmire bako lagaoletʼlea.’ “Uni doe metatʼkoa, ‘Do, ape hõ ińakʼ darkha bagwante senkate kạmipe.’

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Romiko lạgitʼ Pạul Apostolakʼ ciṭhi 2:26

Onate jãhãe bin khatna hoṛ ạn-ạrikoe manaoetʼ khan enḍekhan Isor do cetʼ khatna akan hoṛ mente bae aṅgocea?

Romiko lạgitʼ Pạul Apostolakʼ ciṭhi 2:27

Am ṭhen ma coṅ olakʼ ạnko menakʼge ar khatna hõm khatna ocoakange. Menkhan ạn-ạriko bam bataoetʼ khan okoe bin khatna akanre hõ ạnkoe manaoetʼ, uni do cetʼ ạn bam bataoetʼkante bae dusimea?

1 Korinthiko 12:2

Baḍaegeape, Isor bape sewawaekan tahẽkanre ape do nonkan muṭhạnko secʼpe ạyur ocokʼkan tahẽkana one okoe doko guṅgạge.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Galathiko lạgitʼ Pạul Apostolakʼ ciṭhi 2:15

“Abo do jonom khon Jihudi kana bon, ar boṅgan jạtren kạkạiko do bon baṅkana.

Galathiko lạgitʼ Pạul Apostolakʼ ciṭhi 6:12

Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiyakʼ kurus iạte jemon aloko khed ocokʼ onate onko do nonkako kạmiyeda.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

Dosar Biboron 15:15

Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.

Dosar Biboron 16:12

Misor disạmre ape hõ golampe tahẽkan ona katha disạite joton salakʼ noako hukumpe manaoa.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Kolossiko lạgitʼ Pạul Apostolakʼ ciṭhi 1:21

Sedae do Isor ṭhen khon pharakrepe tahẽkana ar uni upạrte apeakʼ monre bạiripe tahẽkana. Apeakʼ bạṛicʼ kạmiko hotete ona do sodor akana.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana.Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”