Ephesiko lạgitʼ Pạul Apostolakʼ ciṭhi 1:6 - সান্তালী বাইবেল

⁶ Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Santali Common Language New Testament

⁶ Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniakʼ sarhao hoyokʼtae.

Ephesiko lạgitʼ Pạul Apostolakʼ ciṭhi 1:6 Iomraidhean Croise

Sereńko 22:20

Tarwaṛe khon ińakʼ jiwi baṛe rukhiyại tińme, onko setakoakʼ capoṭ khon ińakʼ jiwi rukhiyại tińme.

Sereńko 60:5

Amakʼ daṛeanakʼ ti tiyạrte ale baṛe bańcaolem; ińiń hohowamre ańjomtińme jemon am okoeyem dulạṛetʼko onko do bańcaoko ńam.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 20:9

“Khan huḍiń dakʼ lo ber oktere okoe do kạmiko dhurạu ocolen onko do hecʼkate mimitʼ Dinarkateko idikeda.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Luk 2:14

“Sermare Isorakʼ ṭhonok dhạrtire suluk, manwakore kusi.”

Johan 10:17

Baba do noa iạteye dulạṛedeńkana, ente iń do ińakʼ jiwiyiń alayetʼtińa jemon arhõ onań ruạṛ ạgu daṛeakʼ.

Johan 3:35

Baba do Hopone dulạṛede kana ar uniyakʼ tirege jotowakʼe emakada.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

2 Korinthiko 4:15

Sanamakʼ do apeakʼ bhạlại lạgitʼge hoyakana, jemon Isorakʼ oka daya ḍher hoṛkore emakan ona daya iạte ḍher hoṛge arhõ bạ̃ṛti Isorko sarhaoe ar nonkate Isorakʼ ṭhonok hoyokʼ kana.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Ephesiko lạgitʼ Pạul Apostolakʼ ciṭhi 1:14

Okoe do Isorren sompottikanko onko do mitʼṭecʼ ạidạri emako lạgitʼe gokʼ akawatʼkoa. Ar tin hạbicʼ purạte chaḍao ạuriko ńam unhạbicʼ ona ạidạriren pạhil hĩs lekate onko do sonot Jiuko em ocoakana. Ar noako hotetege Isorakʼ ṭhonok reakʼ sabasi do sodorokʼa.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.