Ephesiko lạgitʼ Pạul Apostolakʼ ciṭhi 1:4 - সান্তালী বাইবেল

^4-5 Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Santali Common Language New Testament

^4-5 Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.

Ephesiko lạgitʼ Pạul Apostolakʼ ciṭhi 1:4 Iomraidhean Croise

2 Samuel 22:24

Uni samaṅre iń do bin dusạngeń tahẽkana, ar kại khon hõ pharakreń tahẽlena.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Levitikus 20:7

Iń ńutumte begarokʼte sonotko hoyokʼpe, ente iń kangeạń aperen Probhu Isor do.

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhu Isorakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Aposkạmi 15:18

Ar ḍher din laha khon noa do uniyakʼ monre tahẽkana.”

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

Romiko lạgitʼ Pạul Apostolakʼ ciṭhi 8:33

Isor okoekoe bachao akatʼko onko upạrte do okoeye lạlisa? Isor acʼge coṅ onko ma dhorom menteye ataṅ akatʼko.

1 Korinthiko 1:8

Aboren Probhu Jisu Mạsige mucạtʼ hạbicʼe ṭarhao ocopea, onate uniyakʼ hijukʼ dinre ape do sanam lekan bin dusạnkope hoyokʼa.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiyakʼ dulạṛre rehetʼ ar bạisạu akanpe tahen,

Ephesiko lạgitʼ Pạul Apostolakʼ ciṭhi 4:2

Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Philipiko lạgitʼ Pạul apostolakʼ ciṭhi 2:15

jemon bin dusạn ar khạṭipe hoydaṛeakʼ ar niạ peṛta piṛhiren bạṛicʼ hoṛko talare Isorren niphuṭ gidrạkope hoydaṛeakʼ.

Kolossiko lạgitʼ Pạul Apostolakʼ ciṭhi 1:22

Menkhan Mạsiyakʼ gujukʼte uniyakʼ hoṛmo hotete Isor do ńitokʼ acʼ tulucʼe mitʼ akatʼpea, jemon uni do sonot, niphuṭ ar bin dusạnko mente acʼ samaṅreye teṅgo ṭarhao ocope.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

1 Thessalonikikko 3:12

Ale cetʼlekale dulạṛetʼpe ṭhik onkage Probhu Isor hõ ape mimitʼkore jemon dulạṛe baḍhao ocoyte sareṛokʼtape.

1 Thessalonikikko 4:7

ente Isor do be sapha lekate calakʼ lạgitʼ do baṅ, menkhan sonot lekate calakʼ lạgitʼgeye hohoakatʼ bona.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Johan 4:16

Baḍaegea bon Isor do aboe dulạṛetʼ bona, ar uniyakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛkana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.