Ephesiko lạgitʼ Pạul Apostolakʼ ciṭhi 1:18 - সান্তালী বাইবেল

^18-19 Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Santali Common Language New Testament

^18-19 Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohoapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Ephesiko lạgitʼ Pạul Apostolakʼ ciṭhi 1:18 Iomraidhean Croise

Jobakʼ 42:5

Lahate ińakʼ lutur do am reaṅe ańjom akada, menkhan ńitokʼ do ińakʼ mẽtʼkin ame ńelketʼmea.

Sereńko 119:18

Ińakʼ mẽtʼ baṛe jhicʼkạtińme jemon amakʼ cecetʼakʼ talare hahaṛawakʼko reaṅ jemoniń ńel daṛeakʼ.

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

Jesaea 29:18

Enhilokʼ kalako do ona bedhao akatʼ puthi reakʼ kathako ańjoma, ar kaṛaṅ ńutre tahenkan kãṛãko doko ńeńela.

Jesaea 32:3

Unre okoeko ńeńel onkoakʼ mẽtʼ do baṅ jạpidokʼtakoa, ar okoeko ańjom onko do ańjomtegeko tahena.

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Mark 10:17

Jisu do arhõ horteye oḍok calakʼkan tahẽkanre mitʼṭen hoṛ do uni ṭhene ńir hecʼena ar ikhuṛumenteye menkeda, “E Guru, am do mitʼṭen bhage hoṛ kanam. Lạiyạńme, jaejug jion ńam lạgitʼ iń do cetʼiń cekaea?”

Luk 24:45

Uni do sonot sostor bujhạu ocoko lạgitʼ celakoakʼ bude jhicʼketʼtakoteye metatʼkoa,

Aposkạmi 16:14

Ar okoekoko ańjometʼkan tahẽkan onko modre Thuạtirạ nagraharen Ludiạ ńutuman mitʼṭen maejiue tahẽkana. Uni do beguni roṅ reakʼ kicricʼe kiriń ạkhrińetʼ tahẽkana. Ar Jihudi bae tahẽkanre hõ uni do Isore sewawaekan tahẽkana. Probhu Isor do Ludiạwakʼ ontor nonkae jhicʼketʼtaea jemon uni do Pạulakʼ katha monteye ańjom are pạtiạukʼ.

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Galathiko lạgitʼ Pạul Apostolakʼ ciṭhi 5:5

Menkhan dhorom mente bon lekha ocokʼ, ona reakʼ khạṭitetʼ do biswạste sonot Jiu hotete bon ńel horeda;

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 4:4

Isore hohoakatʼpe iạte apere eken mitʼṭecʼ asge menakʼa, mitʼ hoṛmoge menakʼa ar mitʼ sonot Jiuge menaea,

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

1 Thessalonikikko 5:8

Menkhan abo do sińren hoṛ kanabon; onate koṛam aḍ lạgitʼ pạtiạu ar dulạṛte koṛam aḍkate ar bohokʼ aḍ lạgitʼ bańcaokʼ reakʼ as bohokʼre horokʼkate delaṅ apnar bon sambṛaokʼma.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

1Timothi 6:12

Mạsire biswạs iạte bhage lạṛhại ma lạṛhạime. Oka jaejug jion lạgitʼ Isore hohoakatʼme ona sapʼakae tahenme. Am do ạḍi utạr hoṛko samaṅre amakʼ biswạs reakʼ goham emleda.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Titus lạgitʼ Pạul Apostolakʼ ciṭhi 3:7

Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.

Ibriko 6:4

ente mitʼ dhao marsal ńelakatʼko do, serma dan reakʼ sebel ar sonot Jiuakʼ elaṅko ńamakada,

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.