Dosar Biboron 4:2 - সান্তালী বাইবেল

² Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 4:2 Iomraidhean Croise

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Kạhtukko 30:6

Uniyakʼ katha sãote eṭakʼ jãhãn katha do alom toṅgeakʼa; arem toṅgeakʼ khan uni do amakʼ doskoe udukʼama, ar am do eṛeyicʼ mentem sạbudokʼa.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Mathae 5:43

“Ańjom akadape, roṛlena mente, ‘Am aḍepaseren hoṛ dom dulạṛea ar amren bạiri dom kurudaea.’

Galathiko lạgitʼ Pạul Apostolakʼ ciṭhi 3:15

E boehako, iń do ạḍi alga kathate noa reaṅ iń bujhạuape kana. Mitʼ dhao manwa talare jãhãnakʼ bondobos doholenre ona bondobos do okoe hõ bako bạtil daṛeakʼa se ona tulucʼ jãhãnakʼ hõ bako juṭucʼ daṛeakʼa.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 13:1

“Ape modren jãhãn nạbi se kukmũ ńelkate tayom daram reakʼ kathae lại daṛeakʼ nonkanicʼ jãhãeye upellen khan ar ape ṭhen jãhãn hahaṛa cinhạ se kạmi reakʼ kathae men ar sạrige ona hoyokʼ. Ar uni hoṛ hõ ape ṭhen nãwãn nonkan debotako reaṅ katha lạiyapeteye men, ‘dela bon pańjakoma arbon sewawakoma,’

Dosar Biboron 33:4

Abo ṭhen Mose okako ạn-ạrikoe emakan, ona do Jakob bõsrenkoakʼ dhon kana.

Dosar Biboron 4:14

Jordan gaḍa paromkate okaṭakʼ disạmpe ạidạri lạgidokʼkan ona disạmre senkate okako niạm ar ạn-ạriko manao hoyokʼtapea ona reakʼ sikhnạt emokʼ lạgitʼ unre Probhu Isor do ińe hukumạdiń tahẽkana.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 8:35

Noa babotre Mose okako hukume emlen ona reakʼ mitʼṭecʼ hõ Josuạ do bae badleda goṭa Israel somajrenge onae paṛhao ańjomatʼkoa. Niạ somajre do maejiuko, gidrạko ar onko talareko girobasokʼkan eṭakʼ jạtrenko hõko tahẽkana.