Dosar Biboron 3:2 - সান্তালী বাইবেল

² Unre Probhu Isor do ińe metadińạ, ‘am do alom botoraea, ente uni ar uniyakʼ disạm ar lạṛhại phạdko do amakʼ tireń jimạ akatʼkoa. Am do Hesbonreye tahẽkan Amorikoren Sihon rajakʼ oka halotem hoeoco akatʼtae onkage nuiyakʼ hõm hoeocoytaea.’

Dosar Biboron 3:2 Iomraidhean Croise

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Numeri 21:34

Unre Probhu Isor do Moseye galmaraoadea, “Og raj do alom botoraea, ente uniyakʼ disạm uni ar uniren lạṛhại phạdko do amakʼ tireń jimạ akatʼkoa. Amorikoren Sihon raj, okoe do Hesbonreye rajokʼkan tahẽkan, uniyakʼ oka dosań hoyocoletʼtae onkage nuiyakʼ hõ hoyokʼtaea.”

Aposkạmi 18:9

Mitʼ din ńindạ jokhecʼ Probhu Isor do mitʼṭecʼ dorson hotete Pạul noa kathae metadea, “Alom botorokʼa, katha roṛ iditege tahenme, alom thir hapekokʼa;

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Dosar Biboron 3:1

“Inạ tayom abon do ạcurente Bason secʼakʼ horte bon sen idiyena. Ar Basonren raj ar uniren lạṛhại phạdko do abo sãote lạṛhại lạgitʼ Edreyi nagrahareko oḍok hecʼena.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Dosar Biboron 3:3

“Nonkate aboren Probhu Isor do Basonren Og raj ar uniren sanam lạṛhại phạdko aboakʼ tireye jimạletʼkoa. Ar abon do onko sanamkoge bon gocʼketʼkoa; cele hõ jiwetʼ do babon doholetʼkoa.

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.