Dosar Biboron 1:2 - সান্তালী বাইবেল

² Horeb khon Seyir buru reakʼ horte Kadesh hạbicʼ calakʼ do gelmitʼ din hạbicʼ lagaokʼa.

Dosar Biboron 1:2 Iomraidhean Croise

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Levitikus 2:14

“Probhu Isor ńutumte samaṅokʼ lạgitʼ pạhil rakapʼakʼ phosol khon jãhãegeko ạgui enḍekhan ona nãwã gele ạgukate seṅgelrem ataea arem huṛuṅ gunḍạya.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 32:8

Disạm ciyạ ạgui lạgitʼ aperen baba-hapṛamko tinre Kades khoniń kolletʼkoa unre onko hõ ṭhik nonkageko kạmileda.

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 1:44

Ona ńelte okoe Amoriko ona burureko girobasokʼkan tahẽkan onko do ape upạrte lạṛhại lạgitʼko oḍok hecʼena. Ar mitʼ jhãk dumur leka apeko lagaketʼpea ar Seir reakʼ Horma nagraha hạbicʼko tuṛ idiketʼpea.

Dosar Biboron 2:1

“Probhu Isor cetʼ lekae hukumạdiń tahẽkan onkage abo do ona tayom ruạṛkate Akaba doreão reakʼ horte hahaṅkar secʼ bon mohnḍa idiyena. Ar Seyir buru ṭoṭha secʼte ạcur ạcurte ḍher din do paromena.

Dosar Biboron 2:4

Ona tayom uni do apeko metape lạgitʼe metadińạ, ‘ńitokʼ do aperen Seyirren boeha Esao bõsrenkoakʼ rajosṭi talate calakʼ hoyokʼtapea. Ape ńelte onko do botor caṛhaoakoa menkhan sontor akae tahenpe.

Dosar Biboron 2:8

“Onate abo do aboren Seyirren boeha Esao bõsrenko bạgikate bon hecʼena. Arabat reakʼ okaṭakʼ hor do Elat ar Esion Geber khon oḍok hecʼakan ona hor bạgikate Moab reakʼ hahaṅkar secʼtebon parom hecʼena.

Dosar Biboron 9:23

Probhu Isor do Kades Barnea khonpe mohnḍakʼ jokhecʼe metatʼpe tahẽkana, ‘okaṭakʼ disạmiń emape lạgidokʼkan onḍe senkate ona baṛe ạidạri joṅpe.’ Menkhan ape do aperen Probhu Isorakʼ hukum upạrtepe ṭhokkeda. Ape do Probhu Isor hõ bape pạtiạuadea, ar uniyakʼ katha hõ bape luturada.

Josuạ 14:6

Jihudạ gusṭiren hoṛko do Gilgalte Josuạ ṭhenko senena ar Kenisi Jephunren hopon Kaleb do uniye metadea, “Probhu Isor do Kades-Barneare acʼren hoṛ Mose ṭhen iń ar am reaṅ okae menletʼ ona dom baḍaegea.