Daniel 9:7 - সান্তালী বাইবেল

⁷ “E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.

Daniel 9:7 Iomraidhean Croise

Esra 9:13

“Aleakʼ bạṛicʼ kạmi ar maraṅ ghạṭ iạtege ale cetanre niạko do hoyokʼkana, menkhan enhõ E aleren Isor, aleakʼ kại reakʼ kuṛại lekate am do thoṛagem sạjại akatʼlea ar aleren adomko hoṛ do jiwetʼem tahẽ ocoakatʼkoa.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Sereńko 119:137

E Probhu Isor, am dom dhoromgea; amakʼ bicạr do hok reakʼ kana.

Sereńko 44:15

Okoe ińko henostayedeń kan arko durnam edeńkan onkoakʼ katha iạte, ar okoe bạiriko iń cetanre hala ruạṛ lạgitʼko duṛupʼ akan onko iạte, iń do lajaoteń unum akana.

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 7:19

Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jeheskel 6:12

Okoe sạṅgińre menakʼko onko do mahamạriteko gujukʼa ar okoe sorre menakʼko onko do lạṛhạiteko gujukʼa, ar okoe sarecʼko tahena onko do gherao esetʼ akan talare akal iạteko gujukʼa.

Daniel 9:14

Onatege E Probhu Isor, am do muhinem ṭhik dohoakada jemon ale cetanre ńitem kol daṛeakʼ, ente aleren Probhu do sanamakʼ kạmirege hokakʼren Isor kanae; enhõ ale do amakʼ katha bale ańjomleda.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Daniel 9:8

E Probhu Isor, aleren rajko, mukhiyạko, hapṛamko ar ale sanamkoge lajaole asen baṛayeda, ente ale do am upạrtele kại akada.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 4:27

Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.