Daniel 9:6 - সান্তালী বাইবেল

⁶ Aleren rajko, mukhiyạko, hapṛamko ar disạmren sanam hoṛko ṭhen amren guti nạbiko do am emakʼ oka kathako menakatʼ ona do ale bale ańjomleda.

Daniel 9:6 Iomraidhean Croise

2 Rapajko 18:12

Noako do hoylena, ente onkoren Probhu Isorakʼ katha onko do bako manaoleda, bickom uniyakʼ bondobos, metakʼme Probhu Isorren guti Moseyakʼ sanam hukumko bako bataoleda. Onko do onako hukum reakʼ katha lutur hõ bako luturada ar manao hõ bako manaoleda.

2 Bõsbudạ 33:10

Probhu Isor do Manase ar uniren hoṛko ṭhen kathae roṛetʼ tahẽkangea menkhan onko do ona bako luturatʼtaea.

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Nehemiạ 9:34

Aleren rapajko, mukhiyạko, naekeko ar aleren hapṛamko do amakʼ ạn-ạri bako manao akada; amakʼ hukum se sontor katha hõ bako ańjomleda.

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 29:19

Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Daniel 9:10

Ale do aleren Probhu Isorakʼ katha bale bataoletʼa; amren guti nạbiko hotete am emakʼ hukumko hõ bale manao akada.

Daniel 9:9

Aleren Probhu Isor do dayakʼicʼ ar ikʼkạyicʼ Isor kanae, enhõ ale do am upạrtele hul akada.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.