Daniel 9:3 - সান্তালী বাইবেল

³ Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Daniel 9:3 Iomraidhean Croise

2 Samuel 12:16

Unre Dạud do uni gidrạ lạgitʼ Isor ṭhen nehõrokʼe ehopʼena. Uni doe upạskeda ar acʼakʼ oṛakʼte senkate otreye giticʼ aṅgayena.

Esra 10:6

Ona tayom Esra do Isorakʼ oṛakʼ samaṅ khon Eliasibren hopon Jehohananakʼ kandhateye boloyena. Onḍe uni do cetʼge bae jom ńuleda, ente bondi dosa khon ruạṛ hecʼakan hoṛkoakʼ bepạtiạr iạteye hirdạnikʼ kan tahẽkana.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Esra 9:5

Ona tayom ạyupʼ reakʼ samaṅokʼ jokhecʼ iń do mon reakʼ duk khoniń beretʼena, ar oṛecʼ kicricʼ ar aṅgrop horokʼ akatʼrege ikhṛumente ińren Probhu Isor samaṅre banar ti tiạrkateń koekeda,

Nehemiạ 9:1

Inạ cando reakʼ bargel ponakʼ dinre Israelko do mitʼ ṭhenko jarwayena ar gõṛẽ kicricʼko horokʼketʼte, bohokʼre dhuṛiko ojokʼana arko upạskeda,

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Sereńko 35:13

Enhõ onkoakʼ ruạkʼre iń do gõṛẽ kiricʼ iń horokʼleda, ar upạs dohokate ińakʼ jiwiń nandanketʼtińạ; menkhan ińakʼ koejoṅ do iń ṭhenge ruạṛ hecʼena.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Jeheskel 36:37

Ona tayom Probhu Isor do ińe metadińa, “Iń do ar mitʼ dhao Israel jạtrenko iń ṭhen nehõrokʼ iń metakoa ar onkoakʼ nehõrokʼakʼ lekate bhiḍi palko leka onkoren hoṛko alekhań hoyocokoa.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Jona 3:5

Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Mathae 17:21

Ape lạgitʼ bin daṛeanakʼ do cetʼge bạnukʼa. Menkhan nui jạtrenko do koejoṅ ar upạs begor ohogeko oḍoklena.

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ do iń samaṅre hecʼenteye metadińạ,