Daniel 9:26 - সান্তালী বাইবেল

²⁶ Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Daniel 9:26 Iomraidhean Croise

2 Samuel 21:5

Onko do rajko roṛ ruạṛadea, “Okoe hoṛ aleye jarkhar akatʼle ar Israelkoakʼ simạna tala khon marao giḍi utạrle lạgitʼte bạṛicʼakʼe phundi akatʼ,

Sereńko 22:15

Hasa bhajan reakʼ rạputʼ kelhatʼ leka ińakʼ daṛe do rohoṛ hijukʼ kana, ar ińakʼ alaṅ hõ jambere jaladokʼkana; am do gujukʼ reakʼ dhuṛirem gạḍiạu kedińa.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 28:22

Onate ńitokʼ apeakʼ ṭiṭkạri katha do thirtape, ar baṅkhan apeakʼ totolakʼ do arhõ urijokʼtapea; ente phạdkoren Probhu Isorakʼ mocare goṭa dhạrti jarkharokʼ reakʼ kathageń ańjomakada.

Jesaea 53:8

Jobor jạsti ar behok reakʼ bicạr iạte uni doe gocʼ ocolena. Uni piṛhiren hoṛko modre okoeye hudisleda ińren hoṛkoakʼ ghạṭ iạte jiwetʼkoakʼ disạm khon uni doe getʼ begar ocokʼa mente? Ona sạjại ma onkoakʼ paonage coṅ tahẽkan.

Jesaea 8:7

Ona iạte Probhu Isor do Phurạt gaḍa reakʼ ḍubạ dakʼ leka jotowakʼ ṭhonok salakʼ Ạsurren raj do usạrage onko upạrteye ạguiyea. Ona ḍubạ dakʼ do gaḍa ar nala reakʼ jotowakʼe ạtu idiya,

Jirimiạ 46:7

“Okoe kanae uni do, one nil gaḍa leka, gaḍa dakʼko lekae dundunạu hijukʼkan?

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Daniel 11:17

Uni do acʼakʼ goṭa rajosṭi reakʼ daṛe salakʼ onḍe hijukʼ lạgitʼe goṭaea ar dạkhinren raj sãoteye gatekʼa. Ar ona rajosṭi marao lạgitʼ uni do acʼren hoponera dạkhinren raj sãoteye baplayea, menkhan uniyakʼ goṭawakʼ do baṅ jo bahakʼtaea se jãhãn bhạlạige baṅ hoyokʼtaea.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Hosea 1:9

Unre Probhu Isor doe menkeda, “Nuiyakʼ ńutum do Lo-ammi (metakʼme ‘ińren hoṛ do baṅa’). ente ape do ińren hoṛ dope baṅkana ar iń hõ aperen Isor doń baṅkana.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Mathae 22:2

“Serma raj do nonkan mitʼṭen raj lekana, one okoe do acʼren hopon lạgitʼ bapla bhoje tearketʼ.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Mathae 23:38

E Jerusalemren hoṛko, apeakʼ oṛakʼ do ujạṛokʼa.

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭecʼ dhiri hõ eṭakʼ dhiri cetanre baṅ tahena, joto do rạputʼ giḍikʼa”

Mark 13:2

Jisu do uniye metadea, “Am ma noako lạṭu lạṭu dolanem ńeletʼkan, menkhan noa reakʼ mitʼṭecʼ dhiri hõ ar mitʼ dhiri cetanre baṅ tahena; joto do rạputʼ giḍi ocokʼa.”

Mark 13:7

Ape do lạṛhại reakʼ saḍekope ańjomlere alope bilbilạukʼa. Noako do hoyokʼgea, menkhan unrehõ mucạdokʼ okte do baṅkana.

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Luk 21:6

“Ape ma noakope ńeletʼkan, menkhan nonkan dinge hijukʼa, unre dhiri cetan dhiri do baṅ tahena; jotoge rạputʼ giḍi ocokʼa.”

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Luk 24:46

“Ol menakʼa, Mạsi do duk jojom hoyokʼtaea ar pe din hilokʼre gocʼko khone jiwetʼ beredokʼa.

Johan 14:30

Iń do ape tulucʼ ar ḍher ghạṛicʼ do bạń galmaraoa, ente noa dhạrtiren raje hijukʼkana. Ińre uniyakʼ jãhãn ektiạri do bạnukʼtaea.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

1 Patras 2:21

Isor do noa lạgitʼgeye hohoakatʼpea, ente Mạsi do ape iạte duke jomketʼte ape lạgitʼ nạmunae doho oṭoakada, jemon uni lekape colon,

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.