Daniel 9:25 - সান্তালী বাইবেল

²⁵ “Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Daniel 9:25 Iomraidhean Croise

2 Samuel 15:25

Ado sanam hoṛko oḍoken khan Raj do Sadoke metadea, “Isorakʼ sinduk do nagrahate idi ruạṛ me. Ente Probhu Isorre dayań ńamle khan uni doe ruạṛ idiyińạ ar noa sinduk ar uniyakʼ tahen ṭhạ̃i arhõe ńel ocoyińạ.

Esra 4:24

Nonkate Jerusalemre Isorakʼ oṛakʼ reakʼ kạmi do thirena; Parasren raj Darjawesakʼ rajokʼ dosar bochor hạbicʼ ona do thirge tahẽyena.

Esra 7:1

Niạko ghoṭna tayom Parasren raj Artaksasto rajokʼ oktere Esra do Babel khone hecʼena. Esra do Serayaren hopone tahẽkana, ar Seraya do Asariạren hopon, Asariạ do Hilkiạren hopon,

Esra 7:8

Isorakʼ bhạlạiyanakʼ ti do Esra cetanre tahẽkante uni do pạhil cando reakʼ pạhil dinre Babel khon mohnḍakate mõṛẽakʼ cando reakʼ pạhil dinre Jerusalemteye hecʼ seṭerena.

Nehemiạ 3:1

Maraṅ naeke Eliasib ar uni sãoten naekeko do kạmireko dhurạuente bhiḍi duạrko benao arokeda. Onko do Isor ńutumte onako sonotketʼte ona reakʼ silpińko lagaoada. Ona tayom Humaya gaṛ ar Hananel gaṛ hạbicʼ pạcriko gathaoketʼte ona banar hĩs hõko samaṅkeda.

Nehemiạ 4:2

Uni do acʼ sãoten hoṛko ar Samariạren lạṛhại phạdko samaṅreye menkeda, “Noko nijor Jihudiko do cetʼko cekayeda? Noko do cetʼ arhõ benao ruạṛ lạgitʼko muruk akada? Isorakʼ goṛo ńam lạgitʼ cetʼ janwarkoko samaṅkoa? Onko do cetʼ mitʼ dintegeko sạta? Jobra ḍạṅ khon cetʼ jiwetʼ dhiriko oḍok ocoya? Onako ma rapakʼ roṅgo akan coṅ!”

Nehemiạ 4:8

Onko sanamko mitʼkate niạko soṛojontrokeda je, senkate Jerusalem upạrteko lạṛhạiya ar gulmalko ehoba.

Nehemiạ 6:15

Elul cando reakʼ bargel mõṛẽ tạrik reakʼ, mõṛẽgel dosar din hilokʼre pạcri do benao sạtena.

Sereńko 71:10

Ińren bạiri do iń upạrte kathako roṛeda; ar okoe iń gojeńko menetʼkan onko sanamko doko soṛojontro kana.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Daniel 8:11

Ar acʼtetʼ do onko ipilren mạlik soman kanae menteye udukʼena. Uni ńutumte din hilokʼ reakʼ samaṅokʼakʼ porob uni doe bondkeda ar koejoṅ oṛakʼ hõe besonotkeda.

Daniel 8:25

Uniyakʼ phorphundi iạte uni do eṛekateye jo bahakʼa ar jotoko khon maraṅe hudisokʼa. Ar hoṛko do tinre nirdạndiko hudisokʼa unre uni do ḍher hoṛe maraokoa ar disạm cakʼlaokoren mukhiyạko upạrteye teṅgona. Ar mucạtʼre uni doe marao ocokʼa, menkhan manwawakʼ daṛete do baṅa.

Daniel 9:23

Am do koejoṅem ehopʼletʼrege Isor doe roṛ ruạṛe em akatʼmea, ar ona baḍae ocome lạgitʼgeń hecʼakana, ente uni do ạḍiye dulạṛetʼmea. Ona iạte ona katha moneyakʼme ar dorson baṛe bujhạu joṅme.

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Johan 1:41

Andreas do pạhilre acʼren boeha Simone sendra ńamkedeteye metadea, “Ạliń do Mạsi liń (torjomate do Krisṭ) ńam akadea.”

Johan 4:25

Unre uni maejiue menkeda, “Baḍaegeạń, Mạsi, okoe do Krisṭko metaekan uni doe daraekana. Are hecʼlenre sanamakʼe baḍae ocobona.”

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Aposkạmi 8:30

Khange Philip do ona gạḍi ṭhene ńir sorena ar uni hoṛ do Jesaea nạbi puthi khon paṛhaokʼ kane ańjomkedea. Adoe kulikedea, “Okaṭakʼem paṛhaoetʼkan ona do cetʼem bujhạu daṛeakʼ kangea?”

Ephesiko lạgitʼ Pạul Apostolakʼ ciṭhi 5:16

Apeakʼ tire bhage kạmi reakʼ okaṭakʼ ạt menakʼ ona do purạte kạmire lagaope, ente noa piṛhi do bạṛicʼgea.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”