Daniel 9:23 - সান্তালী বাইবেল

²³ Am do koejoṅem ehopʼletʼrege Isor doe roṛ ruạṛe em akatʼmea, ar ona baḍae ocome lạgitʼgeń hecʼakana, ente uni do ạḍiye dulạṛetʼmea. Ona iạte ona katha moneyakʼme ar dorson baṛe bujhạu joṅme.

Daniel 9:23 Iomraidhean Croise

2 Rapajko 19:20

Unre Amosren hopon Jesaea do Hiskiạ ṭhen niạ kathae kolkeda, “Israelren Probhu Isore meneda, Asurren raj Senakerib reaṅ amakʼ koejoṅ do uniye ańjom akada.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Soros sereń 7:10

Iń do ińren dulạṛiạren kạnạń ar ińrege uniyakʼ gagoj do menakʼtaea.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

Jeheskel 24:16

“E manwa hopon, noa uyukʼrege am ṭhen khon amakʼ mẽtʼ reakʼ hạ̃siń idi lạgidokʼ kana. Enhõ am do alom rakʼ homora, alom raga se mẽtʼ dakʼ alom joroytama.

Jeheskel 26:12

Onko do amakʼ dhon-durib ar amakʼ bạnij bepar reakʼ jinisko luṭ idiytama; ar amakʼ pạcri bhitko rạputʼ giḍikakʼa, mońj mońj oṛakʼ-duạrko marao giḍikakʼa ar amakʼ dhiri, kaṭ ar dhuṛi do jalapurireko giḍikakʼa.

Daniel 10:1

Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Daniel 6:3

Daniel do acʼakʼ gun iạte eṭakʼ raj-ạkʼyurko ar disạmren cakʼlaoko khon arhõ bhage utạricʼ menteye sạbudena. Ona iạte maharaj do goṭa rajosṭi cetanre bahale reakʼe monejoṅana.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Luk 1:28

Serma goḍet do Mạriạm ṭhen hecʼkate joharadeteye metadea, “Probhu Isor do am soṅgere menaea are bhor akatʼmea.”