Daniel 9:19 - সান্তালী বাইবেল

¹⁹ E Probhu, ańjomme. E Isor, ikạkaleme. E Probhu moneyakʼtaleme, ar jãhãnakʼ baṛe cekaeme. E ińren Isor, amakʼ ńutum rukhiyạitam lạgitʼ ar alom biloma, ente amakʼ nagraha ar amren hoṛko do amakʼ ńutumtegeko bikạu akana.”

Daniel 9:19 Iomraidhean Croise

2 Bõsbudạ 6:21

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ hõ luturakʼtako me. Amakʼ tahen ṭhạ̃i serma khon ańjomtakome ar ikạkakome.

2 Bõsbudạ 6:39

enḍekhan amakʼ tahen ṭhạ̃i serma khon onkoakʼ koejoṅ ar nehõrjoṅakʼ ańjomtakome ar onko sejokʼme. Amren okoe hoṛko do am upạrteko kại akatʼ onko hoṛ hõ ikạkakome.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.

Jirimiạ 25:29

Ńelpe, ińakʼ nagrahage pạhilteń marao giḍikakʼ lạgidokʼ kana, enḍekhan ape do cetʼ begor sạjạitepe tahena? Sạjại dope ńamgea, ente dhạrtiren sanam hoṛko upạrte iń do lạṛhạiyiń ạguakada. Iń phạdkoren Probhu Isorge noa katha doń meneda.’

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Jeheskel 36:22

“Onatege am do Israelkom metakoa, Probhu Isore menetʼkana, ‘E Israelko, ape khạtirte noakoń kạmi lạgidokʼkan ona do baṅa, menkhan ińakʼ ona sonot ńutum khạtirtege onań onkaea. Ape okoe do jạt jạtrenko talarepe senlen onḍege ińakʼ ńutumpe besonot akada.

Jeheskel 39:25

Probhu Isor do arhõe menkeda, “Jakob do ńitokʼ bondi dosa khoniń ruạṛ ạguyea ar Israelren sanam hoṛkoń mãyãwakoa ar ińakʼ ńutum reakʼ sonottetʼ lạgitʼ iń ãṭokʼa.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Amos 7:2

Onko do tinre disạm reakʼ hạriạṛ dare sakamko jom cabakeda unre iń do nehõrkateń menkeda, “E Probhu Isor, ikạkakome baṛe. Jakob do cekateye teṅgo ruạṛokʼa? Uni ma coṅ ạḍiye huḍińge.”

Numeri 14:19

Misor disạm bạgiyakʼ khon ńitʼ hạbicʼ cetʼlekam ikạ akatʼko onkage amakʼ ona asambheṛ dayate onko hoṛakʼ ghạṭko ikạkatakom.”

Numeri 6:27

“Nonkage onko do Israelko cetanre ińakʼ ńutumko ńuma, ar iń do onkoń bhorakoa.”

Luk 11:8

Sạrigeń metapekana, uni do gate iạte jãhãnakʼ emae bae beretʼrehõ, enhõ ạḍiye nehõrokʼkante uni do beretʼkate tinạkʼ jạruṛae onae emaea.

Aposkạmi 15:17

Jemon eṭakʼ sanam hoṛko, metakʼme boṅgan hoṛ jạtrenko okoe do ińren menteko hoho ocokʼkan onko jemonko sendrayiń. Probhu Isor, okoe do noakoe kạmikan, unige noa katha doe menakada.’

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.