Daniel 8:7 - সান্তালী বাইবেল

⁷ Ińiń ńelkeda merom do uni bheḍaye tińkedea ar uniyakʼ banar dereńe rạputʼketʼtaea. Uni samaṅre bheḍa do baṅgeye teṅgo ṭarhao daṛeada; merom do uniye tiń bhinḍạṛkede khan jaṅgate lebedeye ehopʼena. Unre uni khon jãhãe bheḍaye bańcaoe nonkan celege bako tahẽkana.

Daniel 8:7 Iomraidhean Croise

Daniel 11:11

“Unre dạkhinren raj do edreteye oḍok hijukʼa ar utạrren raj upạrteye lạṛhạiya. Utạrren raj do maraṅ lạṛhại phạdkoe teṅgolekore hõ enhõ onko doko bhagao ocokʼa.

Daniel 7:12

Ar eṭakʼ eṭakʼ janwarko ṭhen khon hõ raj ektiạri do hatao ocoyena menkhan niṭ akatʼ okte lạgitʼ onko do jiwetʼko doho ocoyena.

Daniel 7:7

“Ńindạ jokhecʼ ińakʼ ona kukmũ talareń beṅgetʼketʼ khan ponicʼ janwariń ńel ńamkedea. Uni do botorgeye tahẽkana ar daṛe hõ ạḍi daṛeye tahẽkana. Uniyakʼ do mẽṛhẽtʼ reakʼ lạṭu lạṭu ḍaṭa tahẽkantaea. Ar acʼren sikạr doe chaka chunkedeteye utʼkedea ar oka sarecʼ tahẽyen ona do jaṅgateye lebetʼ gańjaokeda. Nui do lahaten janwarko khon hõ begargeye tahẽkana ar uniyakʼ do gel goṭen dereń tahẽkana.

Daniel 8:10

Ona do hara harate sermaren ipilko hạbicʼ seṭerena ar adom ipil do otreye ńurhạketʼkoa ar jaṅgateye lebetʼ gańjaoketʼkoa.

Daniel 8:6

Ar barea dereńan okoeṭakʼ bheḍa gaḍa aṛere teṅgo akaniń ńellede uni secʼ merom do botorokʼ salakʼe dạṛ idikeda.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Levitikus 26:37

Bako laga ocokʼre hõ lạṛhại khon bańcaokʼ lạgitʼ ńir pharakokʼ hoṛ leka am iń lad ludko bhindạṛokʼa. Ar ape do bạiriko samaṅre bape teṅgo daṛeakʼa.

Josuạ 8:20

Aeren hoṛko do tayom secʼko beṅgetʼ ruạṛketʼ khan akoakʼ nagraha khon coṭte dhũạ rakabokʼko ńelkeda; menkhan oka secʼge onko do bako dạṛ daṛeada, ente okoe Israelko hahaṅkar secʼko dạṛetʼkan tahẽkan onko do inạkʼtege onko upạrte jhãpko emkeda.