Daniel 8:4 - সান্তালী বাইবেল

⁴ Iń doń ńelkeda Bheḍa do pạchim, utạr ar dạkhin secʼe uṭicʼetʼ kana. Uni samaṅre cele janwarge bako ṭikạu daṛeada ar uni khon bańcaoko leka do celege bako tahẽkana. Uni do acʼakʼ kusi lekae cekayetʼ tahẽkana are daṛe idiyena.

Daniel 8:4 Iomraidhean Croise

1 Rapajko 22:11

Unre Kenanren hopon Sedekiạ do mẽṛhẽtʼ reakʼ dereń benaokate noae roṛkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

Jobakʼ 10:7

Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Jeheskel 34:21

Joto nijor bhiḍiko ạuripe laga ńirko hạbicʼ ape do hoṛmo ar tarenkote onkope ṭhelaoetʼkoa ar dereńtepe uṭicʼ pạsiretʼkoa.

Daniel 11:16

Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 5:19

Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Daniel 7:5

“Ona tayom iń do dosaricʼ janwariń ńelkedea. Uni do ńelokʼte Bana lekae tahẽkana. Uni do mitʼ dhaṛateye duṛupʼ akana ar uniyakʼ mocare do pańjra reakʼ pea jaṅ tahẽkana. Uni doe men ocoyena, ‘am do senkate lacʼ bikʼ jel jomme.’

Daniel 8:7

Ińiń ńelkeda merom do uni bheḍaye tińkedea ar uniyakʼ banar dereńe rạputʼketʼtaea. Uni samaṅre bheḍa do baṅgeye teṅgo ṭarhao daṛeada; merom do uniye tiń bhinḍạṛkede khan jaṅgate lebedeye ehopʼena. Unre uni khon jãhãe bheḍaye bańcaoe nonkan celege bako tahẽkana.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”