Daniel 8:3 - সান্তালী বাইবেল

³ Iń do gaḍa aṛere mitʼṭen bheḍa teṅgo akaniń ńelkedea. Uniyakʼ do barea jeleń dereń tahẽkantaea. Mitʼṭecʼ dereń do eṭakʼakʼ khon jeleńge tahẽkana ar ona do hara rakabokʼkan tahẽkana.

Daniel 8:3 Iomraidhean Croise

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Esra 4:5

Onko upạrte kạmikate onkoakʼ monejoṅakʼko rạputʼ ocoytako lạgitʼ Paras rajren kạmiyạko ṭakako ematʼkoa. Onko do Keros rajakʼ rajokʼ oktere ar uni tayom Doreabosakʼ rajokʼ oktere hõ inạ kạmigeko kạmikeda.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Daniel 10:5

Un jokhecʼ iń doń beṅgetʼ rakapʼketʼ khan mĩhĩ musnạ kicricʼ horokʼ akatʼ ar ḍanḍare khạṭi sona reakʼ totolakʼteye tol akan mitʼṭen hoṛiń ńelkeda.

Daniel 2:39

Am tayom eṭakʼ ar mitʼṭecʼ rajosṭi teṅgokʼa ona do am khon huḍiń macha; ar ona tayom do pitạl reakʼ tesar ar mitʼṭecʼ rajosṭi teṅgokʼa, ona do goṭa dhạrti cetanre mạlike calaoa.

Daniel 5:31

Ar Madae Darjawes do turuigel bar bochor umerre rajosṭi reakʼ bhare hataokeda.

Daniel 6:28

Nonkate Darjawes ar Parasren raj Koresakʼ rajokʼ oktere Daniel do pạtiạr ar manote ńam idikeda.

Daniel 7:5

“Ona tayom iń do dosaricʼ janwariń ńelkedea. Uni do ńelokʼte Bana lekae tahẽkana. Uni do mitʼ dhaṛateye duṛupʼ akana ar uniyakʼ mocare do pańjra reakʼ pea jaṅ tahẽkana. Uni doe men ocoyena, ‘am do senkate lacʼ bikʼ jel jomme.’

Daniel 8:2

Ona dorsonre iń do Elem Prodes reakʼ Susan gaṛiń ńelkeda. Ona dorson talare iń do Ulại gaḍa aṛereń tahẽkana.

Daniel 8:20

Barea dereńan okoeṭakʼ bheḍam ńellede onakin do hoyokʼkana Madae ar Parasren rajkin.

Sakariạ 1:18

Ona tayom iń doń beṅgetʼ rakapʼketʼ khan ponea dereń iń ńelkeda.

Sakariạ 2:1

Ona tayom iń doń beṅgetʼ rakapʼketʼ khan jokha baber sapʼakatʼ mitʼ hoṛiń ńelkedea. Iń do uniń kulikedea, “Am do okatem calakʼkana?” Uni doe metadińạ, “Jerusalem tinạkʼ osara ar tinạkʼ jeleńa ona jokha lạgitʼ iń calakʼkana.”

Sakariạ 5:1

Iń do arhõ beṅgetʼkateń ńelkeda oṭakʼ akan guṛhạ puthi do uḍạukʼkana.

Sakariạ 5:5

Ona tayom uni serma goḍet do laha nõkʼ hecʼkateye metadińạ, “Am do coṭ secʼ beṅgedme cetʼ hijukʼkana?”

Sakariạ 5:9

Ona tayom iń doń beṅgetʼ rakapʼketʼ khan barea maejiu do hoe sãote oṭaṅ hijukʼkaniń ńelketʼkinạ. Unkinakʼ phạ̃kṛạ̃kʼ do kisni cẽṛẽakʼ phạ̃kṛạ̃kʼ leka ar unkin do ona bhajan coṭtekin rakapʼ idikeda.

Sakariạ 6:1

Iń do arhõń beṅgetʼketʼ khan ponea rãt gạḍiń ńelkeda. Onako do barea buru tala khon oḍok hijukʼkan tahẽkana. Ar ona burukin do tama reakʼ tahẽkana.

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

Josuạ 5:13

Jerikho sorko seṭeren khan Josuạ do bocʼ tarwaṛe tire menakʼtae mitʼṭecʼ hoṛ acʼ samaṅre teṅgo akane ńelkedea. Unre Josuạ do uni ṭhen sorenteye kulikedea, “Am do okoe secʼren kanam aleren, se bạiriko secʼren?”

Johan sodor 13:11

Noa tayom iń do ot khon ar mitʼṭen janwar rakapʼ hijukʼkaniń ńelkedea. Uniyakʼ do bheḍa leka barea dereń tahẽkantaea, menkhan uni do biń leka kathae roṛetʼkan tahẽkana.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.