Daniel 8:22 - সান্তালী বাইবেল

²² Rạputʼ akan dereń reakʼ jaegare ona ponea dereń do hoyokʼ kana ponea rajosṭi one onko do jạtrenko tala khonko oḍok hijukʼa menkhan ona rajosṭikoren rapajko do pạhil rapaj leka ektiạri do baṅ tahentakoa.

Daniel 8:22 Iomraidhean Croise

Daniel 11:4

Ar uniye upelokʼ tayom uniyakʼ rajosṭi do rạpudokʼte pon hạṭińokʼtaea. Uniyakʼ rajosṭi do acʼren bõsrenkoakʼ tire do baṅ calakʼa; ar ona rajosṭiko okoeyakʼ tire calakʼa onko do lahaten raj leka daṛe do bako hoyokʼa, ente onkoakʼ rajosṭi do jarkharokʼte eṭakʼkoakʼ tire calakʼa.

Daniel 7:6

“Ona tayom iń do ar mitʼṭecʼ janwariń ńelkedea. Uni do ńelokʼte hunḍạr lekae tahẽkana. Uniyakʼ deare do cẽṛẽkoakʼ phạ̃kṛạ̃kʼ leka ponea phạ̃kṛạ̃kʼ tahẽkana. Nui janwarakʼ do ponea bohokʼ tahẽkantaea ar uni do raj ektiạriye emocoyena.

Daniel 7:7

“Ńindạ jokhecʼ ińakʼ ona kukmũ talareń beṅgetʼketʼ khan ponicʼ janwariń ńel ńamkedea. Uni do botorgeye tahẽkana ar daṛe hõ ạḍi daṛeye tahẽkana. Uniyakʼ do mẽṛhẽtʼ reakʼ lạṭu lạṭu ḍaṭa tahẽkantaea. Ar acʼren sikạr doe chaka chunkedeteye utʼkedea ar oka sarecʼ tahẽyen ona do jaṅgateye lebetʼ gańjaokeda. Nui do lahaten janwarko khon hõ begargeye tahẽkana ar uniyakʼ do gel goṭen dereń tahẽkana.

Daniel 8:21

Uni upʼan merom doe hoyokʼkana Junạn reakʼ rajosṭi ar uniyakʼ banar mẽtʼkin tala reakʼ maraṅakʼ dereń do hoyokʼ kana ona rajosṭiren pạhilicʼ raj.

Daniel 8:23

“Onkoakʼ rajokʼ sesa sesi dinkore ghạghạṭkoakʼ kạmi coṛaṅlentakore mitʼṭen kurmutạha ar phorphundiyicʼ raje teṅgokʼa.

Daniel 8:3

Iń do gaḍa aṛere mitʼṭen bheḍa teṅgo akaniń ńelkedea. Uniyakʼ do barea jeleń dereń tahẽkantaea. Mitʼṭecʼ dereń do eṭakʼakʼ khon jeleńge tahẽkana ar ona do hara rakabokʼkan tahẽkana.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Sakariạ 6:1

Iń do arhõń beṅgetʼketʼ khan ponea rãt gạḍiń ńelkeda. Onako do barea buru tala khon oḍok hijukʼkan tahẽkana. Ar ona burukin do tama reakʼ tahẽkana.