Daniel 8:15 - সান্তালী বাইবেল

¹⁵ Ar iń Daniel do tinre dorson reakʼ bujhạu lạgitʼ iń kurumuṭuyetʼ tahẽkana unre manwa leka ńelokʼ mitʼ hoṛ do iń samaṅre hecʼkateye teṅgoyena.

Daniel 8:15 Iomraidhean Croise

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Daniel 10:16

Unre manwa leka ńelokʼicʼ uni serma goḍet, okoe do iń samaṅreye teṅgo akan tahẽkan, uni do ińakʼ luṭikine joṭetʼketʼtińạ, ar moca jhicʼentińte uniń metadea, “E ińren kĩsạ̃ṛ noa dorson iạte monre ạḍi dukiń ńameda ariń nijor idikʼkana.

Daniel 10:18

Unre manwa leka ńelokʼicʼ uni serma goḍet do arhõ ińe joṭetʼkedińa ar daṛeye emadińa.

Daniel 10:5

Un jokhecʼ iń doń beṅgetʼ rakapʼketʼ khan mĩhĩ musnạ kicricʼ horokʼ akatʼ ar ḍanḍare khạṭi sona reakʼ totolakʼteye tol akan mitʼṭen hoṛiń ńelkeda.

Daniel 12:8

Iń doń ańjomketʼgea menkhan cetʼge bạń bujhạu daṛeada. Ona iạte iń doń kuliyana, “E ińren kisạ̃ṛ, noako reakʼ mucạtʼ jo do cetʼ hoyokʼa? ”

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Daniel 8:1

Beltsasar rajakʼ rajokʼ tesarakʼ bochorre iń Daniel do ar mitʼṭecʼ dorsoniń ńelkeda.

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Sakariạ 1:9

Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Mathae 13:36

Ona tayom Jisu do onko gadel hoṛkoe bạgiyatʼkote oṛakʼteye boloyena. Unre acʼren celako do hecʼkateko metadea, “Goḍa reaṅ ona sama ghãs reakʼ bhed baṛe bhoṅaleme.”

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko do dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Mark 4:12

sonot sostor reakʼ katha leka, ‘ńeńel doko ńeńelgea menkhan bako oroma, ańjom doko ańjomgea, menkhan bako bujhạua. Jemon aloko ạcurokʼ ar alo ikạkʼtako.’”

Josuạ 5:14

Uni doe roṛ ruạṛkeda, “Okoe secʼren hoṛ hõń baṅkana. Iń do Probhu Isoren palṭon dolren senapoti kạnạń; ar ńitokʼ do nonḍeń hecʼakana.” Niạ katha ańjomkate Josuạ do otreye ombakʼente uniye ḍobokʼ adea are kulikedea, “Ińren Probhu Isor do cetʼ acʼren guti jãhãnakʼ metae lạgitʼe menjoṅkana?”

Johan sodor 1:13

Ona diuhe dohowakʼko talare manwa Hopon leka okoe coṅ mitʼ hoṛe tahẽkana. Uni do jaṅga hạbicʼ jeleń aṅgrope horokʼ akatʼ ar koṛam do sona reakʼ pạṭkạte tol ạcurakatʼ tahẽkantaea.

Johan sodor 13:18

Noako bujhạu do bud reakʼ jạruṛ menakʼa. Okoeyakʼ bud menakʼtae uni do janwarakʼ lekhae hisạbma, ente ona do mitʼṭen manwawakʼ ńutum reakʼ lekha kana. Ar ona lekha do hoyokʼ kana turui sae turui gel turui.