Daniel 8:11 - সান্তালী বাইবেল

¹¹ Ar acʼtetʼ do onko ipilren mạlik soman kanae menteye udukʼena. Uni ńutumte din hilokʼ reakʼ samaṅokʼakʼ porob uni doe bondkeda ar koejoṅ oṛakʼ hõe besonotkeda.

Daniel 8:11 Iomraidhean Croise

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 48:42

Jạtrenko lekate Moab doe marao ocokʼa, ente iń upạrte acʼteye usul akana.

Jeheskel 46:14

Ona chaḍa niạ sãote din hilokʼ setakʼre apeakʼ anaj samaṅokʼakʼ jinis hõ emokʼ hoyokʼtapea; onare tahena pe keji holoṅ ar onare sipiy lạgitʼ mitʼ liṭar barsae mõṛẽgel gram sunum. Noa do Probhu Isor ńutumte anaj samaṅokʼakʼ reakʼ porob reakʼ mitʼṭecʼ niạm kana.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 12:11

Ar din hilokʼ reakʼ samaṅokʼakʼ do enhilokʼ khon bond ocokʼa ar ujạṛ utạrakʼ jinisko bạisạu dohokʼa ar enhilokʼ khon mitʼ hajar barsae aregel din do purạukʼa.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Daniel 8:12

Uniyakʼ kại iạte onko ipilko ar din hilokʼ reakʼ samaṅokʼakʼ porob do uniyakʼ tire calaoena. Ar sạri dhorom do otreye giḍikada ar okaṭakʼe cekaketʼ onaregeye jo bahayena.

Daniel 8:24

Uni do ạḍi daṛeanicʼe hoyokʼa, menkhan apnarakʼ daṛete do baṅ. Uni doe marao utạra ar jãhãnakʼgeye cekae onaregeye jo bahakʼa. Uni do daṛean hoṛko ar Isorren hoṛkoe maraokoa.

Daniel 8:25

Uniyakʼ phorphundi iạte uni do eṛekateye jo bahakʼa ar jotoko khon maraṅe hudisokʼa. Ar hoṛko do tinre nirdạndiko hudisokʼa unre uni do ḍher hoṛe maraokoa ar disạm cakʼlaokoren mukhiyạko upạrteye teṅgona. Ar mucạtʼre uni doe marao ocokʼa, menkhan manwawakʼ daṛete do baṅa.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Numeri 28:3

Uni do noako hukumako lạgitʼ hõe metadea, “Seṅgelteakʼ samaṅokʼakʼ lạgitʼ Probhu Isor samaṅre din hilokʼ reakʼ jeredokʼ samaṅokʼakʼ lạgitʼ aperen mitʼ bochor umerren barea niphuṭ utạr bheḍa hopon ạgukin hoyokʼtapea.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”