Daniel 7:8 - সান্তালী বাইবেল

⁸ Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Daniel 7:8 Iomraidhean Croise

Sereńko 12:3

Okoeko men, “Alaṅ reakʼ jortege bon jitạukʼa; ar aboakʼ luṭi do abo secʼge menakʼa, aboren mạlik do okoeye hoekokʼa?” Onkoakʼ luṭi ar bạḍạite perecʼ alaṅ do Probhu Isorge jemone getʼ giḍikatako.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 7:19

“Unre iń do uni ponicʼ janwarakʼ mane baḍae joṅ lạgitʼ iń khojkeda. Uni doe uni janwar kana one okoe do eṭakʼko khon judạ ar botorangeye tahẽkan, uniyakʼ do mẽṛhẽtʼ reakʼ ḍaṭa ar pitạl reakʼ rama tahẽkantaea, one okoeṭakʼ janwar do acʼakʼ sikạre chakachunkede ar sarecʼakʼ do jaṅgateye lebetʼ gasmanḍaoletʼ tahẽkan.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

2Timothi 3:2

Manwa do eken apnargeko dulạṛokʼa, onko do ṭaka-poesako dulạṛa, usul monan ar nindạukoko hoyokʼa, durnamko gahao baṛaea, ar eṅga apa bebataokoko hoyokʼa. Onko do bebatao ar bebhoktikoko hoyokʼa,

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 9:7

Onko pohoko do ńelokʼte lạṛhại sapṛao akatʼko sadom leka. Onkoakʼ bohokʼre sona reakʼ mukuṭ lekanakʼ jinis tahẽkana, ar onkoakʼ mẽtʼãhã reakʼ rup do manwa leka tahẽkana.

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.