Daniel 7:4 - সান্তালী বাইবেল

⁴ Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.

Daniel 7:4 Iomraidhean Croise

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Jobakʼ 25:6

enḍekhan manwa do cekate sapha doe hoedaṛekokʼa? Uni do mitʼṭen tejo lekanicʼ kanae; manwa hopon do lenḍetʼ chaḍa ar cele hõe baṅkana.”

Sereńko 9:20

E Probhu Isor, onkoakʼ ontorre botor rakapʼ ocoy takome; ar eṭakʼ jạtrenko baḍaema, onko hõ eken manwa kangeako mente. (Sela)

Jirimiạ 25:38

Uni do dhạcri kul leka acʼakʼ ṭhạ̃i bạgikateye oḍok hijukʼa; onate sasantaokoakʼ raṅgao iạte ar Probhu Isorakʼ jolokʼkan edre iạte onkoakʼ disạm do jarkhar cabakʼa.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Jeheskel 17:3

Probhu Isore meneda, ‘Roṅ beroṅ jhạl jhạl ilte perecʼ phạ̃kṛạ̃kʼante mitʼṭen maraṅ okocʼ pajhaṛ do Lebanonre hecʼkateye apʼena. Ar onḍenakʼ mitʼṭecʼ debdạru dare reakʼ coṭ utạr ḍạr reakʼ bale ḍoge ṭuṅgạcʼketʼte beparikoakʼ disạmte idikate beparikoakʼ nagrahareye rohoekeda.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 28:9

Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 4:36

Tinre ińakʼ mon bogeyentińạ unre ińakʼ rajosṭi reakʼ manot lạgitʼ ińakʼ ṭhonok do ińiń em ruạṛ ocoyena. Ińren montriko ar mukhiyạko do ińko sendra ńamkedińạ ar siṅghạsonre arhõko duṛupʼkedińa ar iń do laha khon arhõ maraṅiń hoyena.

Daniel 7:12

Ar eṭakʼ eṭakʼ janwarko ṭhen khon hõ raj ektiạri do hatao ocoyena menkhan niṭ akatʼ okte lạgitʼ onko do jiwetʼko doho ocoyena.

Daniel 7:5

“Ona tayom iń do dosaricʼ janwariń ńelkedea. Uni do ńelokʼte Bana lekae tahẽkana. Uni do mitʼ dhaṛateye duṛupʼ akana ar uniyakʼ mocare do pańjra reakʼ pea jaṅ tahẽkana. Uni doe men ocoyena, ‘am do senkate lacʼ bikʼ jel jomme.’

Mathae 24:28

Jãhãrege mạ̃ṛĩ tahen onḍege gidi hõko jarwakʼa.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Johan sodor 13:2

Uni janwar do ńelokʼte citạ tạrupʼ lekae tahẽkana ar jaṅgako do banawakʼ leka ar moca do dhạcri kulakʼ moca leka tahẽkantaea. Ar biń do acʼakʼ daṛe, siṅghạson ar maraṅ ektiạri uni janware emadea.