Daniel 7:24 - সান্তালী বাইবেল

²⁴ Ona gel goṭecʼ dereń do hoyokʼ kana gel goṭecʼ rajosṭi khon gel goṭen rapajko upelokʼa. Onko tayom do ar mitʼṭen raje rakapʼ hijukʼa, uni do lahaten rapajko khon eṭakʼ lekae hoyokʼa; ar onko pea rapajkoe bhagaokoa.

Daniel 7:24 Iomraidhean Croise

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 2:41

Am dom ńel akada, banar jaṅga ar jaṅga talka jotoge kuṅkạlakʼ hasa ar mẽṛhẽtʼ mesal akatʼ leka, noate do hạṭiń akatʼ rajosṭigeye bujhạu ocoyeda; menkhan ona rajosṭire do mẽṛhẽtʼ reakʼ keṭecʼtetʼ hõ tahena, ente am do hasa mesalakatʼ mẽṛhẽtʼem ńel akada.

Daniel 7:20

Uniyakʼ bohokʼ reakʼ gel goṭecʼ dereń ar eṭakʼ oka dereńko janam rakapʼlen, ar okoe samaṅre pea dereń ńurlen, ar okoeyakʼ mẽtʼko ar gorbokʼ reakʼ mitʼṭecʼ moca tahẽkantae ar okaṭakʼ dereń do eṭakʼakʼko khon lạṭu idikʼkan tahẽkan, ona dereń babotre baḍae joṅ lạgitʼ iń khojkeda.

Daniel 7:23

“Ona tayom uni do nonkae lạiyạdińạ, ‘ponicʼ janwar doe hoyokʼ kana dhạrti reakʼ ponakʼ rajosṭi. Ona do eṭakʼ rajosṭiko khon begarge hoyokʼa ar ona do goṭa dhạrtiye chakachuna.

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 17:3

Ona tayom uni serma goḍet do hahaṅkar jaegateye idikedińạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor henostawae reakʼ ạḍi utạr ńutum uni janwarre ol tahẽkana. Uniyakʼ do eae goṭecʼ bohokʼ ar gel goṭecʼ dereń tahẽkantaea.