Daniel 7:18 - সান্তালী বাইবেল

¹⁸ Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:18 Iomraidhean Croise

Sereńko 45:16

Amren hapṛamkoakʼ jaega do amren hoponkoakʼ hoyokʼa; ar manwako talare am do onkoren bicạrkom tearkoa.

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 7:17

‘Onko ponea maraṅ okocʼ janwar doko hoyokʼ kana dhạrti reakʼ ponea rajosṭi.

Daniel 7:22

one tin hạbicʼ uni murubbi hecʼkate maraṅ Isorren hoṛko secʼ ray ạuriye em. Ar ona tayom khon Isorren hoṛko do rajokʼko ehopʼena.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Luk 1:33

Uni do Jakob bõsrenko cetanre jaejug hạbicʼe rajokʼa. Ar uniyakʼ raj do tishõ baṅ mucạdokʼtaea.”

1 Korinthiko 6:2

Ape do cetʼ bape baḍaea, Isorren hoṛkoge dhạrti reakʼko bicạra mente? Ar dhạrti reakʼpe bicạr khan, enḍekhan huḍiń utạrakʼko bicạr lạgitʼ do cedakʼpe belekgea?

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”