Daniel 7:14 - সান্তালী বাইবেল

¹⁴ Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 7:14 Iomraidhean Croise

Sereńko 103:19

Probhu Isor do sermare uniyakʼ siṅghạsone tear akada; uni do jotowakʼ cetanregeye rajokʼa.

Sereńko 145:13

Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Sereńko 146:10

Probhu Isor do jaejug hạbicʼe rajokʼa; E Sion, piṛhike piṛhi amren Isor doe rajokʼa. Probhu Isorakgeʼ sarhao hoyokʼtae ma.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Sereńko 8:6

Amakʼ tite sirjạu reakʼ cakʼlao bhar do unigem emakawadea ar noako jotowakʼ do uniyakʼ jaṅga latarrem dohoakada.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jesaea 60:12

Okoe jạtrenko ar rajosṭiko am bako sewawam onko doko jarkharokʼa, arko marao utạrokʼa.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Daniel 2:37

E maharaj, am do rapajkoren raj kanam, sermaren Isor do rajosṭi, ektiạri, daṛe ar ṭhonoke em akatʼmea.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 3:4

Unre roṛ saḍeyicʼ do ãṭ aṛaṅte noa kathae lại saḍekeda, “E eṭakʼ eṭakʼ jạtrenko, disạm ar pạrsirenko, ape do noa hukumpe emocokʼ kana,

Daniel 4:3

Uniyakʼ cinhạko do maraṅgea, uniyakʼ hahaṛa kạmiko do heṛan daṛeana! Uniyakʼ rajosṭi do jaejug reakʼ rajosṭi kana, ar uniyakʼ raj do piṛhi cetan piṛhige.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Luk 1:33

Uni do Jakob bõsrenko cetanre jaejug hạbicʼe rajokʼa. Ar uniyakʼ raj do tishõ baṅ mucạdokʼtaea.”

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Johan 3:35

Baba do Hopone dulạṛede kana ar uniyakʼ tirege jotowakʼe emakada.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.