Daniel 7:10 - সান্তালী বাইবেল

¹⁰ Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Daniel 7:10 Iomraidhean Croise

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

2 Bõsbudạ 18:18

Mikạ do roroṛe ehopʼena, “Enḍekhan Probhu Isorakʼ katha ańjompe. Iń doń ńelkeda Probhu Isor do acʼakʼ siṅghạsonreye duṛupʼ akana ar uniyakʼ jojomsa ar leṅgasa aṛere do sermaren sanam goḍetko menakʼkoa.

Jobakʼ 25:3

Uniren lạṛhại phạd do cetʼko lekha daṛekokʼa? Uniyakʼ marsal do okoe cetanre baṅ rakapʼ akana?

Sereńko 103:21

E Probhu Isor sewawaekan daṛean dolko okoe do uniyakʼ sana lekape calakʼkan, ape do uni sarhaoepe.

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Jesaea 30:27

Ńelpe, Probhu Isor do jolokʼkan edre ar dạriạ dhũạ reakʼ rimilte sạṅgiń khone hijukʼkana; uniyakʼ mẽtʼãhã do edrete perecʼ ar uniyakʼ alaṅ do jojom seṅgel leka.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 7:22

one tin hạbicʼ uni murubbi hecʼkate maraṅ Isorren hoṛko secʼ ray ạuriye em. Ar ona tayom khon Isorren hoṛko do rajokʼko ehopʼena.

Daniel 7:26

Menkhan tayomte uni doe bicạr ocokʼa ar uniyakʼ ektiạri do uni khon rejogokʼa, ar ona do jaejug lạgitʼ marao giḍikʼteaa.

Sakariạ 14:5

Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu Isor do acʼren hajar hajar sonot goḍetkoante sanamko bicạrko lạgitʼe hijukʼkana,

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 5:11

Tayomteń ńelkeda; ona singhạson ar jiwiyanko ar murubbiko beṛhaete aema serma goḍetkoakʼ aṛaṅ iń ańjomkeda. Onko serma goḍetko do lekhare hajar hajar, ar ojut ojutko tahẽkana.