Daniel 7:1 - সান্তালী বাইবেল

^1-2 Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.

Daniel 7:1 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 46:2

Isor do ńindạ jokhecʼ Israel tulucʼ kukmũ talate kathae roṛkeda. Uni doe hohokeda, “E Jakob, E Jakob.” Jakobe roṛ ruạṛkeda, “Minạńgea.”

Jobakʼ 4:13

Manwa do ńindạ tinre galasaṅe jạpida unre kukmũteń akbakaokʼ kana;

Jesaea 30:8

Am do ńitokʼ mitʼṭecʼ dhiri paṭare ar mitʼṭecʼ puthire ol dohoyme, jemon darakan dinkore ona do Israelko lạgitʼ mitʼṭecʼ jaejug reakʼ goha leka tahen.

Jesaea 8:1

Probhu Isor do ińe metadińạ, “Am do mitʼṭecʼ maraṅ okocʼ cạkti dhirire disạmren hoṛkoakʼ tite olakʼ leka niạ katha olme, Maher-Salal-Has-Bas (Mane do ‘Usạra luṭ reakʼ, ạḍi usạrage recʼ reakʼ’).

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jirimiạ 36:32

Unre Jirimiạ do ar mitʼṭecʼ guṛhạ dohoakatʼ puthi hataokate Neriạren hopon Baruke emadea; ar okaṭakʼ puthi do Jihudạren raj Jehoyakim seṅgelteye jeretʼ giḍiletʼ ar onare okako ol tahẽkan onako kathage Jirimiạwakʼ moca khon ańjomkate Baruk do arhõe olkeda. Ar ona lekan arhõ aema kathako hõ ona sãote juṭucʼ idiyena.

Jirimiạ 36:4

Unre Jirimiạ do Neriạren hopon Baruke hohoadea ar Probhu Isor okaṭakʼ katha roroṛe metade tahẽkan uniyakʼ moca khon ańjomkate Baruk do guṛhạwakʼ puthire onako jotowakʼe olkeda.

Jeheskel 1:1

Pegel bochor reakʼ ponakʼ cando reakʼ mõṛẽakʼ dinre Kebar gaḍa aṛere bondi akan hoṛko talareń tahẽkanre iń samaṅre serma do jhicʼena ar Isorakʼ dorson iń ńelkeda.

Jeheskel 40:2

Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.

Daniel 1:17

Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

Daniel 2:1

Nebukadnesarakʼ rajokʼ dosarakʼ bochorre raj do mitʼṭecʼ kukmũe ńelkeda; ar ona kukmũ iạte uniyakʼ mon do khadbadaokʼ ehopʼentaea, ar jạpitʼge bae jạpitʼ daṛeada.

Daniel 2:26

Daniel, okoe do Beltesasar ńutumteye hoho ocokʼkan tahẽkan raj do uniye kulikedea, “Am do cetʼ ińakʼ kukmũ ar ona reakʼ manetetʼem lại daṛeạńạ?”

Daniel 4:13

“Aṭetʼre giticʼkatege ona dorsonre beṅgetʼkateń ńelkeda, mitʼṭen sonot pahradar do serma khone pheḍ hecʼena.

Daniel 4:5

Ar tinre ińakʼ aṭetʼreń giticʼ akan tahẽkana unre mitʼṭecʼ kukmũ ńelteń botorena; kukmũte okakoń ńelketʼ ona do ińakʼ monre botore caṛhaoạdińa.

Daniel 5:1

Beltsasar raj do acʼren hajar napṛakʼ napṛakʼ hoṛko lạgitʼ mitʼṭecʼ maraṅ okocʼe khelodkeda, ar onko hajarko samaṅre darkha rasae ńũkeda.

Daniel 5:22

“Menkhan E Beltsasar, am do uniren hopon kanam; ar jotowakʼ baḍaekatere hõ cedakʼ am do bam nindhạnokʼ kana.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Daniel 7:15

“Unre iń Daniel do kukmũ talare monre kosṭoń ạikạukeda ar okakoń ńelketʼ ona do ińe kạulạ kạuli ocoyedeń tahẽkana.

Daniel 7:7

“Ńindạ jokhecʼ ińakʼ ona kukmũ talareń beṅgetʼketʼ khan ponicʼ janwariń ńel ńamkedea. Uni do botorgeye tahẽkana ar daṛe hõ ạḍi daṛeye tahẽkana. Uniyakʼ do mẽṛhẽtʼ reakʼ lạṭu lạṭu ḍaṭa tahẽkantaea. Ar acʼren sikạr doe chaka chunkedeteye utʼkedea ar oka sarecʼ tahẽyen ona do jaṅgateye lebetʼ gańjaokeda. Nui do lahaten janwarko khon hõ begargeye tahẽkana ar uniyakʼ do gel goṭen dereń tahẽkana.

Daniel 8:1

Beltsasar rajakʼ rajokʼ tesarakʼ bochorre iń Daniel do ar mitʼṭecʼ dorsoniń ńelkeda.

Joel 2:28

“Ona tayom iń do sanam hoṛko cetanre ińren Jiu iń dulea. Onate aperen hopon ar hoponerako do nạbi lekate Isorakʼ kathako roṛa, ar aperen haṛam hoṛ do kukmũko ńela ar aperen juạnko hõ dorsonko ńama.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Habakkuk 2:2

Unre Probhu Isor do roṛ ruạṛạdińteye metadińạ, “Noa dorson reakʼ katha olme ar dhiri paṭa cetanre pusṭạute rokʼ caṛhaome jemon ona paṛhaoetʼkanicʼ doe algateye paṛhao daṛeakʼ.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

2 Korinthiko 12:1

Iń do arhõ thoṛań sarhaokʼ kana. Ente jãhãn lab bạnukʼtińre hõ okako dorson Probhu Isore ńel ocoakadiń ar okako iń ṭhene sodorakatʼ ona reaṅ iń do ńitokʼiń lạiya.

Johan sodor 1:19

Onate okam ńelketʼ, okaṭakʼ ńit hoyokʼkan ar noako tayom okaṭakʼ hoyokʼ onako ol dohokakʼme.

Johan sodor 10:4

Ar eae goṭecʼ huḍur saḍeyen khan iń do olokʼ lạgitʼ iń sapṛaoena. Menkhan serma khon noa kathań men ocoyena, “Eae goṭecʼ huḍur oka kathae menketʼ ona do okoge dohokakʼme, alom ola.”