Daniel 6:8 - সান্তালী বাইবেল

⁸ Onate E maharaj, ńitokʼ ona hukum olakʼ lekate emokʼme jemon Madae ar Parasrenkoakʼ arhõ mitʼṭecʼ ạn hoyokʼte tishõ ona do baṅ bodolokʼ.”

Daniel 6:8 Iomraidhean Croise

Ester 1:19

Onate maharaj bogeye bujhạu khan tobe uni do mitʼṭecʼ raj parwanae emokʼma, Bạsti rạni do ar tisge Ahasberos raj samaṅre bae hecʼ daṛeakʼa. Ar niạ hukum do Paras ar Madae reakʼ ạn puthire ol caṛhaokʼma ar ona do baṅ bodolokʼa. Ona chaḍa maharaj do Bạsti rạni khon hõ lekicʼ eṭakʼ ar mitʼṭen do rạni hudại emaema.

Ester 3:12

Ona tayom pạhil cando reakʼ gelpeyakʼ dinre raj do olokʼkoe hohowatʼkoa. Onko do mitʼke mitʼ tabe disạm reakʼ horop ar mitʼke mitʼ jạtrenkoakʼ pạrsi leka Hamanakʼ hukum do disạm cakʼlaoko ar judạ judạ mukhiyạko ṭhen ol kateko baḍae ocoyena. Ciṭhiko do Ahasberosakʼ ńutumtege ol hoyena ar raj do acʼakʼ mundạmte onako cetanreye chapada.

Ester 8:10

Mordekai do unre Ahasberos raj ńutumte ciṭhikoe olketʼte rajakʼ mundạme chapada. Ar ona tayom do rajren khacaṛ sadomre decʼkate aswarikoakʼ tite ciṭhikoe kolkeda.

Ester 8:3

Ester do rajakʼ jaṅgareye giḍiyena ar rakʼ rakʼte arhõ uni ṭhen nehõrkateye menkeda. Jihudiko upạrte Agagi Haman oka dusṭạmi phundiye aṭao akatʼ ona baṛe bondme.

Ester 8:8

Menkhan rajakʼ ńutumte olakʼ ar rajakʼ mundạm reakʼ chapakʼ jãhãn hukumge baṅ bạtilokʼa. Onate ńitokʼ bhage ben hudisetʼ khan Jihudiko lạgitʼ raj ńutumte ar mitʼṭecʼ parwana ol ocoyben ar onare rajakʼ mundạm reakʼ chap emakʼben.”

Sereńko 94:21

Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

Jesaea 10:1

Hae onko hoṛ do, okoe do behok reakʼ ạn oḍok kate ar eṛe dolil benaokate reṅgecʼ hoṛko akoakʼ ạidạri khonko ocokʼetʼko ar ińren santao ocokʼkan hoṛko hok reakʼ bicạr khonko tạkicʼetʼko, ar rạnḍi maejiu ar ṭũạrkoakʼ jinisko luṭetʼtako.

Daniel 5:28

UPHARSIN, metakʼme, hạṭińena, amakʼ rajosṭi do hạṭińena ona do Madae ar Parasrenko ṭhen emocoyena.”

Daniel 6:12

Onate onko do raj ṭhen ruạṛ senkate uniyakʼ hukum reakʼ kathako disạ ocokedea arko metadea, “E maharaj, am do cetʼ noa hukum bam emlena, jãhãe hoṛ pe gel dinre am chaḍa eṭakʼ debota se manwa ṭhene koejoṅ enḍekhan uni do dhạcri kulakʼ ghaḍlakʼreye giḍi ocokʼa mente?” Raj doe roṛ ruạṛkeda, “Madae ar Parasrenkoakʼ ạn lekate noa hukum do ṭikạu menakʼa, ente ona ạn do baṅ bodolokʼa.”

Daniel 6:15

Unre onko hoṛ do arhõ mitʼ dhaote hecʼkate rajko metadea, “E maharaj, disạime baṛe, Madae ar Parasrenkoakʼ ạn lekate raj okaṭakʼ hukume emokʼ ona do tishõ baṅ bodolokʼa.”

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.