Daniel 6:7 - সান্তালী বাইবেল

⁷ Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.

Daniel 6:7 Iomraidhean Croise

Sereńko 10:9

Uni do danaṅre tahẽkate dhạcri kul lekae tãṛãkʼ akana; nacaricʼ sabe lạgitʼgeye onkayeda, ar jhạli oḍaokateye sabe kana.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Sereńko 59:3

Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Sereńko 59:5

E sanam daṛeanicʼ Probhu, Israelkoren Isor, am do sanam jạtrenko sạjại emako lạgitʼ ma beretʼme; ar phạsiạrako do alom daya akoa. (Sela)

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana

Sereńko 94:20

Bạṛicʼ bikʼcạrko do bạṛicʼ kạmi lạgitʼ ạnko teara; onko do cetʼ am sãote jãhãn helmel tahẽ daṛekokʼtakoa?

Daniel 2:4

Unre kạldiko do Arami pạrsite rajko metadea, “E maharaj, jaejug baṛe jiwetʼem tahenma. Amakʼ kukmũ do amren gutiko lạiyaleme, ale do ona reakʼ bhedle bhaṅgaoama.”

Daniel 3:11

menkhan okoe ombakʼkate bae ḍobog uni do jolokʼkan culhạreye khadle ocokʼa.

Daniel 3:2

Ona tayom uni boṅga murhutʼ reakʼ uḍhạu porobre hijukʼ lạgitʼ Prodes ren cakʼlaoko ar mukhiyạ ạkʼyurko, bibhagren ạkʼyurko, muntriko, khajańciko, maraṅ bikʼcạrko, hạkimko ar eṭakʼ eṭakʼ maraṅ hudạren sanam kạmiyạkoe neotaketʼkoa.

Daniel 3:27

Unre disạm cakʼlaoko ar ạkʼyurko, bibhagren cakʼlaoko ar eṭakʼ sanam usul hudạren kạmiyạko do onko ṭhen hecʼkateko bhiṛkeda. Onko doko ńelkeda seṅgel do onkoakʼ hoṛmo reakʼ jãhãnakʼ cetʼge bae hạ̃n akatʼtakoa, onkoakʼ bohokʼ reakʼ mitʼṭecʼ upʼ hõ baṅ lo akantakoa, kicricʼ hõ baṅ nosṭo akana ar onkoakʼ hoṛmore seṅgel reakʼ so hõ bạnukʼa.

Daniel 3:6

Ar jãhãege ombakʼkate bae sewae uni do unrege ona jolokʼkan culhạreye khadle ocokʼa.”

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

Mathae 12:14

Unre Phạrusiko do barhete oḍok senkate Jisu goje lạgitʼ soṛojontroko dhurạuena.

Mark 15:1

Maraṅ naekeko do ạḍi setakʼre, murubbiko, sostor baḍaeko ar maraṅ bạisiren hoṛko soṅgekate mitʼṭecʼko solhakeda. Ar ona tayom do Jisuko tol idikedete Romren disạm cakʼlaoyicʼ Pilạt ṭhenko jimạkadea.

Johan 12:10

Unre maraṅ naekeko do Lasar hõ goje lạgitʼko goṭakeda,