Daniel 6:4 - সান্তালী বাইবেল

⁴ Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Daniel 6:4 Iomraidhean Croise

Genesis 41:38

Pharao do acʼren kạmiyạkoe metatʼkoa, “Nui hoṛre nonkanakʼko menakʼa one okaṭakʼ do noa dhạrti reakʼ baṅkan. Nui leka do okoe bon sendra ńamkea?”

Genesis 43:18

Ado Josephakʼ oṛakʼteko idi ocokʼkana menteko ńelketʼ khan onko do botorte roroṛko ehopʼena, “Laha dhao aboakʼ bostare oka ṭaka senlen ona lạgitʼge nonḍe bon ạgu ocoakana. Niạ dhao do aboakʼ doskoe udukʼ abonteye sapʼ idibona, ar aboren gadhakoe recʼ bona ar golame khaṭao bona.”

Kạhtukko 29:27

Dhorom hoṛ do behoketʼ hoṛko hirkhạ mẽtʼteko ńelkoa, ar sojhe horte calakʼ hoṛ do bedhorom hoṛko hirkhạwaea.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jirimiạ 18:23

Menkhan E Probhu Isor, iń gojeń lạgitʼ noako soṛojontro reakʼ katha dom baḍaegea. Onkoakʼ noa behok do alom ikạitakoa se amakʼ mẽtʼãhã samaṅ khon onkoakʼ kại do alom meṭaotakoa. Onko do samaṅregeko tohotʼ gurokʼma; ar amem edrekokʼ jokhecʼge halawakome.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Daniel 5:12

Daniel ńutuman nui hoṛ do Beltesasar mente hõe bahnaledea. Unire do mitʼṭen soros utạr jiue menaea, uni do bidiạ ar buj ar kukmũ reakʼ bhede bhaṅgao daṛeakʼkan tahẽkan ar kudumko ar muskilakʼko reakʼ hõe bhoṅ daṛeakʼkan tahẽkan. Am do uni Daniel hoho ạguiyem; unige noa olakʼ reakʼ bhede lạiyama.”

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Mathae 27:18

Ente Pilạt doe baḍaekan tahẽkana, onko do hiskạ iạte Jisuko soprot akadea.

Luk 20:20

Sostor baḍaeko ar maraṅ naekeko do Jisu akoakʼ nojorreko dohokedea ar guptocorko kolketʼkoa. Onko guptocor do Jisu acʼakʼ kathate jhạliye lạgitʼ dhorom hoṛ leka udugokʼko ehopʼena, jemon onko do disạm cakʼlaoyicʼ gobolreko soprot daṛeae.

Luk 20:26

Hoṛko samaṅre Jisu okae menketʼ onate onko guptocor do bako jhạli daṛeadea. Ar uniyakʼ roṛ ruạṛteko hahaṛayente hapegeko tahẽyena.

Luk 22:2

Ar maraṅ naekeko ar sostor baḍaeko do hape hapete Jisu goje reakʼ ạtko ńam baṛayetʼ tahẽkana, ente onko do disạm hoṛko botorako kan tahẽkana.

Johan 19:4

Pilạt do arhõ bahrete oḍok hecʼkate hoṛkoe metatʼkoa, “Ńelpe, ape ṭheniń oḍok ạguiyedea jemonpe bujhạu daṛeakʼ, uniyakʼ do jãhãn dosge bạń ńametʼtaea.”

2 Korinthiko 11:12

Okoe apnarko sarhaokʼre ale somanko udugokʼkan onko jemon ona ạt aloko ńam onate okań kạmikan onageń kạmi idiya.

Philipiko lạgitʼ Pạul apostolakʼ ciṭhi 2:15

jemon bin dusạn ar khạṭipe hoydaṛeakʼ ar niạ peṛta piṛhiren bạṛicʼ hoṛko talare Isorren niphuṭ gidrạkope hoydaṛeakʼ.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Titus lạgitʼ Pạul Apostolakʼ ciṭhi 2:8

Okoe hõ aloko dusạu daṛeam onate onkan sạri cecetʼakʼ emokʼme, jemon am upạrten hoṛko do lajaoreko paṛaokʼ, ente abon reaṅ bạṛicʼ roṛ reakʼ do cetʼge baṅ tahentakoa.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

1 Samuel 12:4

Unre hoṛko menkeda, “Baṅa, am do ale okoe cetanre hõ bam behok akada, ar okoe cetanre hõ bạṛicʼ do bam beohar akada ar okoe ṭhen khon hõ cetʼge bam hatao akada.”

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Samuel 22:14

Ahimelek do raj roṛ ruạṛadeteye metadea, “E maharaj, amren sanam kạmiyạko khon amren jãwãe gomkem Dạud leka pạtiạr do ar okoe menaea? Uni do amren pahra khataren mukhiyạ kanae ar amakʼ gharońj talaren hõ mitʼṭen manoticʼge.