Daniel 6:22 - সান্তালী বাইবেল

²² Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Daniel 6:22 Iomraidhean Croise

Genesis 40:15

Ente, Ibrikoakʼ disạm khon jorkateń sapʼ ạgu ocoakana, ar noa disạmre hecʼkate hõ jãhãn nonkanakʼ do bạń kạmi akada one onate noa khạndṛuṅreko aṭkao dohokạń.”

2 Samuel 22:7

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Uni do acʼakʼ tahen ṭhạ̃i khon ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

1 Rapajko 13:28

Ona tayom uni do senkateye ńelkeda horre mạ̃ṛĩ do giḍi akana ar ona sorre gadha ar mitʼṭen dhạcri kul do teṅgo akan menakʼkinạ. Dhạcri kul do ona mạ̃ṛĩ bae jom akada ar gadha hõ bae ghạl akadea.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

Sereńko 118:28

Amge ińren Isor do, iń do amgeń sarhaomea; amge ińren Isor do, amgeń gun manao joharama.

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Sereńko 31:14

Menkhan E Probhu Isor, iń do amregeń hirlạ akana; ariń meneda, “Am kangeam ińren Isor do.”

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

Sereńko 38:21

E Probhu Isor, am do alom bạgi giḍiwạńạ; E ińren Isor, iń khon pharakre alom tahena.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jirimiạ 37:18

Ona tayom Jirimiạ do Sedekiạ raj noa hõe metadea, “Iń do am upạrte, amren gutiko upạrte, noko hoṛko upạrte cetʼ iń kại akatʼte, iń do hajot khanarepe dohoakadińạ?

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Daniel 6:23

Unre raj do ạḍiye kusiyena ar ona khandṛaṅ khon Daniel rakabe lạgitʼe hukumkeda. Daniele rakapʼ ocoyen khan uniyakʼ hoṛmore ghạl reakʼ jãhãn cinhạge baṅ ńellena, ente uni do acʼren Isor cetanre bhorsa akane tahẽkana.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Daniel 6:7

Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Mathae 27:46

Khan pe baja okte Jisu do ãṭ aṛaṅte hohoateye menkeda, “Eloi Eloi Lama Sabakthani,” metakʼme, “E ińren Isor, E ińren Isor, cedakʼem bạgi giḍiwạdińa?”

Aposkạmi 12:11

Unre Patras do disạ ạcurenteye menkeda, “Ńitokʼ do sạrigeń bujhạu daṛeakʼ kana, Probhu Isorge acʼren goḍete kolkedete Herodakʼ ti ar Jihudikoakʼ sanam bạṛicʼ phorphundi khone bańcao akadińạ.”

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

1 Samuel 26:18

Ona tayom uni do arhõe menkeda, “Cedakʼ ạlińren mạlik do acʼren gutiye khudạu baṛayede kana? Ạliń do cetʼ liń ceka akatʼte? Ar cetʼ liń behok akada?