Daniel 6:18 - সান্তালী বাইবেল

¹⁸ Ar raj do acʼakʼ doṅgolte ruạṛkate mitʼ ńindại upạs aṅgakeda; ar mon hulạsokʼtae lạgitʼ jãhãnakʼ hõ bako ạguadea; uni do jạpitʼ hõ bae jạpitʼ daṛeada.

Daniel 6:18 Iomraidhean Croise

2 Samuel 19:24

Inạ tayom Sạulren goṛomtetʼ koṛa Mephiboset do raj sãote ńapamokʼ lạgitʼe hecʼena. Uni do raj sen tayom nirạite arhõ ạuriye ruạṛ hijukʼ hạbicʼ acʼakʼ jaṅga bae joton akatʼtae tahẽkana, goco hõ bae hoylena ar kicricʼ hõ bae sapha akatʼtae tahẽkana.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

Ester 6:1

Enhilokʼ ńindạ raj do bae jạpitʼ daṛeakʼ kan tahẽkana. Uni doe hukumkeda rajosṭi reakʼ Itihãs puthi jemon acʼ ṭhen ạgukʼ. Ar ona tayom do ona puthi khone paṛhao ańjom ocoyena.

Jobakʼ 21:12

Onko do tabla ar binạ banamateko sereńeda; ar tiriạ reakʼ saḍeteko rạskạ joṅkana.

Sereńko 137:2

Onḍenakʼ bạisi darekore aleakʼ banamkole akakakʼ kan tahẽkana.

Sereńko 77:4

Amge ińakʼ mẽtʼ do beṅgetʼem dohoyetʼtiń tahẽkana; ar iń do ạḍiń ạndukʼ mạndugok ʼkan tahẽkana, ar onate katha hõ bạń roṛ daṛeakʼkan tahẽkana.

Sosolhayic̕ 2:8

Iń do ạḍi utạr sona-rupạ ar judạ judạ rapajkoakʼ ar eṭakʼ eṭakʼ disạm reakʼ dhonko ạgukate apnar lạgitʼ iń jogao dohoan tahẽkana. Iń do ạḍi utạr sekʼreńko ar herel rạskạ ocoko lạgitʼ chuṭki erakoń ńamketʼkoa.

Rak̕joṅ 3:53

Onko do maraoiń lạgitʼ khandṛaṅreko khańjo akadińa, ar cetan khon dhiriteko tińeń kana.

Daniel 10:3

Ona pe hapta ạuri mucạdokʼ hạbicʼ jãhãn bhage jomakʼ do bạń jomleda, jel se darkha rasa hõ bạń cakha ạikạuleda ar sunum hõ bạń ojokʼana.

Daniel 2:1

Nebukadnesarakʼ rajokʼ dosarakʼ bochorre raj do mitʼṭecʼ kukmũe ńelkeda; ar ona kukmũ iạte uniyakʼ mon do khadbadaokʼ ehopʼentaea, ar jạpitʼge bae jạpitʼ daṛeada.

Daniel 6:19

Ar raj do aṅga marsalokʼ sãote beretʼkate usạra ona dhạcri kulkoakʼ khandṛaṅ ṭhene calaoena.

Johan sodor 18:22

Okoe peṛesaṅko banam, arko sereń ar tiriyo ar siṅgạko oroṅ onkoakʼ saḍe do ar tishõ amre baṅ ańjomokʼa. Amre tishõ gạkhuṛ kạrigol do ar bako ńamokʼa. Ar amre jante reakʼ saḍe do ar tisge baṅ ańjomokʼa.