Daniel 6:13 - সান্তালী বাইবেল

¹³ Unre onko do rajko metadea, “E maharaj, Daniel ńutuman Jihudạ disạmren bondiko modren mitʼṭecʼ hoṛ do amakʼ katha se am oka hukumem emakan ona bae luturakʼ kana. Uni do ńithõ dinre pe dhaogeye koejoṅ kana.”

Daniel 6:13 Iomraidhean Croise

Ester 3:8

Haman do unre Ahasberos raje metadea, “Amakʼ rajosṭi reakʼ tabe disạmkore judạ judạ jạtrenko modre mitʼṭecʼ jạtrenko doko pasnao akana. Eṭakʼ sanam jạtrenko khon onkoakʼ ạn-ạriko do begargetakoa ar rajakʼ ạn hõ onko do bako manaoeda. Onate onko jiwetʼ dohoko do baṅ bhagea.

Daniel 1:6

Noko modre Jihudạ gusṭiren Daniel, Hananiạ, Misayel ar Asariạ takoko tahẽkana.

Daniel 2:25

Ariyek do unrege raj ṭhen Daniel idikedeteye menkeda, “Jihudạren bondiko talare nonkan mitʼṭen hoṛiń ńam akadea one uni do maharajakʼ kukmũ reakʼ bhede lại daṛeakʼ.”

Daniel 3:11

menkhan okoe ombakʼkate bae ḍobog uni do jolokʼkan culhạreye khadle ocokʼa.

Daniel 3:12

E maharaj, adom Jihudiko menakʼkoa okoe do Babel Prodes reakʼ rajkạmiyạrem dohoakatʼko; onko doko hoyokʼkana, Sedrok, Mesak ar Abed-nego. Onko do amakʼ hukum bako lutur akawada. Am okoeṭakʼ debotam sewawae kan onko do uni bako sewawae kana ar am okoeṭakʼ sonaren muhurtʼem benao akade uni hõ bako ḍobokʼae kana.”

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Daniel 5:13

Unre Daniel do raj samaṅreye ạgu ocoyena, ar raj do uniye metadea, “Am do cetʼ uni Daniel kanam onko Jihudikoren mitʼ hoṛ okoe do iń baba Jihudạ disạm khon bondikateye ạguletʼko?

Aposkạmi 17:7

ar Jason do acʼakʼ oṛakʼre jaegae emakatʼkoa. Ar onko do sanamkoge Kạisạrakʼ hukum birudko kạmikana, arko meneda, uni chaḍa Jisu ńutumanicʼ ar mitʼṭen raj menaea.”

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.