Daniel 6:12 - সান্তালী বাইবেল

¹² Onate onko do raj ṭhen ruạṛ senkate uniyakʼ hukum reakʼ kathako disạ ocokedea arko metadea, “E maharaj, am do cetʼ noa hukum bam emlena, jãhãe hoṛ pe gel dinre am chaḍa eṭakʼ debota se manwa ṭhene koejoṅ enḍekhan uni do dhạcri kulakʼ ghaḍlakʼreye giḍi ocokʼa mente?” Raj doe roṛ ruạṛkeda, “Madae ar Parasrenkoakʼ ạn lekate noa hukum do ṭikạu menakʼa, ente ona ạn do baṅ bodolokʼa.”

Daniel 6:12 Iomraidhean Croise

Ester 1:19

Onate maharaj bogeye bujhạu khan tobe uni do mitʼṭecʼ raj parwanae emokʼma, Bạsti rạni do ar tisge Ahasberos raj samaṅre bae hecʼ daṛeakʼa. Ar niạ hukum do Paras ar Madae reakʼ ạn puthire ol caṛhaokʼma ar ona do baṅ bodolokʼa. Ona chaḍa maharaj do Bạsti rạni khon hõ lekicʼ eṭakʼ ar mitʼṭen do rạni hudại emaema.

Daniel 6:15

Unre onko hoṛ do arhõ mitʼ dhaote hecʼkate rajko metadea, “E maharaj, disạime baṛe, Madae ar Parasrenkoakʼ ạn lekate raj okaṭakʼ hukume emokʼ ona do tishõ baṅ bodolokʼa.”

Daniel 6:8

Onate E maharaj, ńitokʼ ona hukum olakʼ lekate emokʼme jemon Madae ar Parasrenkoakʼ arhõ mitʼṭecʼ ạn hoyokʼte tishõ ona do baṅ bodolokʼ.”

Aposkạmi 16:19

Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Aposkạmi 16:24

Ar daroga do noa hukume ńamketʼ khan hajot reakʼ bhitri kandhareye idiketʼkinạ ar hạṛi paṭate jaṅgae tolkatʼ tạkina.