Daniel 6:10 - সান্তালী বাইবেল

¹⁰ Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Daniel 6:10 Iomraidhean Croise

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

1 Rapajko 8:38

unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,

1 Rapajko 8:44

“Amren hoṛko onkoren bạiriko upạrte lạṛhại lạgitʼem kollekore onko jãhãregeko tahen onḍe khon amem bachao akawan niạ nagraha secʼ ar am lạgitʼ iń benao akatʼ niạ oṛakʼ secʼ samaṅkateko koejoṅ,

1 Rapajko 8:54

Solomon do Probhu Isor ṭhen niạko koejoṅ ar nehõre mucạtʼketʼ khan pinḍ samaṅ khone beretʼena; ar un ghạṛicʼ uni do ikhṛumkate serma secʼ ti tiyạr akaegeye tahẽkana.

2 Bõsbudạ 6:13

Uni do mõṛẽ moka jeleń, mõṛẽ moka osar ar pe moka usul pitạl reakʼ mitʼṭecʼ macane benao ocoletʼte tala racareye dohokeda. Uni do ona macanre decʼkate sanam Israelko samaṅreye ikhṛumena ar banar ti serma secʼ tiyạr ketʼteye menkeda,

2 Bõsbudạ 6:38

Ona disạmre mon ar ontorte am secʼko ạcur ruạṛokʼ ar okaṭakʼ disạm onkoren hapṛamkom emakawatʼko ona disạm secʼ, amem bachao akawan nagraha secʼ, am lạgitʼ iń benao akatʼ niạ oṛakʼ secʼ samaṅkateko koejoṅ,

Esra 9:5

Ona tayom ạyupʼ reakʼ samaṅokʼ jokhecʼ iń do mon reakʼ duk khoniń beretʼena, ar oṛecʼ kicricʼ ar aṅgrop horokʼ akatʼrege ikhṛumente ińren Probhu Isor samaṅre banar ti tiạrkateń koekeda,

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Sereńko 34:1

Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Sereńko 86:3

E Probhu Isor, iń iạte dayakʼme, ente iń do goṭa din amgeń hohowam kana.

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Daniel 6:13

Unre onko do rajko metadea, “E maharaj, Daniel ńutuman Jihudạ disạmren bondiko modren mitʼṭecʼ hoṛ do amakʼ katha se am oka hukumem emakan ona bae luturakʼ kana. Uni do ńithõ dinre pe dhaogeye koejoṅ kana.”

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Jona 2:4

Iń doń menkeda, ‘amakʼ mẽtʼãhã samaṅ khon sạṅgińteń idi ocoakana; enhõ iń do amakʼ ona sonot oṛakʼ secʼ arhõń beṅgetʼ rakaba.’

Mark 3:3

Jisu do uni borocʼ ti hoṛe metadea, “Beretʼme ar talare teṅgokʼme.”

Luk 14:26

okoe iń ṭhene hijukʼ, uni do acʼren eṅgat-apat ar bạhu ar gidrạko ar boehako ar miserako se acʼakʼ jiwi hõ iń khon bạ̃ṛtiye dulạṛ, enḍekhan ińren cela do ohoe hoydaṛelena.

Luk 22:41

Ona tayom Jisu do celako ṭhen khon thoṛa sạṅgiń ńokʼ senkate ikhṛumente koejoṅe ehopʼena,

Aposkạmi 10:9

Dosar hilokʼ onko hoṛ tinre Joppa nagraha secʼko hijukʼkan tahẽkana unre tikin okte tahẽkana. Un jokhecʼ Patras do koejoṅ lạgitʼ chatteye rakapʼena.

Aposkạmi 2:15

Ape dope hudisetʼkana noko doko bul akana, menkhan ona do baṅ; ente ńitokʼ ma setakʼ are baja hoyakan.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 20:36

Noa katha menkate Pạul do sanamko sãote ikhṛumenteye koekeda.

Aposkạmi 21:5

Onako din paromen khan ale do onkole bạgiyatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar jalapuri ḍhipre ikhṛumentele koejoṅana.

Aposkạmi 3:1

Mitʼ din Patras ar Johan do tarasiń okte reakʼ koejoṅre mundiltekin rakapʼ calakʼkan tahẽkana.

Aposkạmi 4:29

Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Aposkạmi 5:20

“Do calakʼpe, ar mundilre teṅgokate disạm hoṛko ṭhen jaejug jion reakʼ katha lại jạhirpe.”

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

Aposkạmi 9:40

Unre Patras do sanamko oṛakʼ khone oḍokketʼkote ikhṛumenteye koekeda. Ona tayom gocʼ akan maejiu secʼ ạcurkateye menkeda, “E Tabitha ma beretʼme.” Ar inạtege Dorkas doe beṅgetʼkeda ar Patrase ńelkede khane duṛupʼena.

Ephesiko lạgitʼ Pạul Apostolakʼ ciṭhi 3:14

Serma ar dhạrtiren sanam jiwiyanko modre mitʼke mitʼ gusṭiren okoe do uniren hopon menteko ńumogokʼkan uni Baba samaṅre iń doń ikṛumokʼkana.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.