Daniel 5:8 - সান্তালী বাইবেল

⁸ Rajren sanam ạkilan hoṛ do hecʼkate bhitriteko boloyena menkhan okoege ona do bako paṛhao daṛeada se raj hõ ona reakʼ mane do bako lại daṛeadea,

Daniel 5:8 Iomraidhean Croise

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Daniel 2:27

Daniel do uniye metadea, “Maharaj oka bin baḍaeakʼ reaṅem kulikan ona do gonokko, muhnidarko ar Kaldiko celege bako lại daṛeakʼa;

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 4:4

Iń Nebukadnesar do ińakʼ oṛakʼre nirạiteń tahenkan tahẽkana ar ińakʼ raj dolanre iń do ḍag ḍagiń sahrekʼkan tahẽkana.

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 5:15

Noa olakʼ paṛhaokate ona reakʼ bhed lạiyạń lạgitʼ muhnidarko ar eṭakʼ sopolhako iń ṭhenko ạgu ocolena, menkhan noa reakʼ mane do bako lại daṛeada,