Daniel 5:7 - সান্তালী বাইবেল

⁷ Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Daniel 5:7 Iomraidhean Croise

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Ester 3:1

Niạko ghoṭna tayom Ahasberos raj do Agag Hamedatharen hopon Haman do rajosṭiren eṭakʼ eṭakʼ kạmiyạko khon cetan hudạre dohokedeteye manotkedea.

Exodus 7:11

Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Kạhtukko 1:9

Onako do amakʼ bohokʼ lạgitʼ ṭhosok mukuṭ ar hoṭokʼ reakʼ do mala kana.

Soros sereń 1:10

Cemkecʼ getama amakʼ johakin ar galaṅ upʼtam ar amakʼ hoṭokʼre mạnik mala do mońjge ńelokʼkana.

Jesaea 47:13

Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Jeheskel 16:11

Gohonakoteń sajaoketʼmea; tire sakom, hoṭokʼre mala,

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Daniel 2:27

Daniel do uniye metadea, “Maharaj oka bin baḍaeakʼ reaṅem kulikan ona do gonokko, muhnidarko ar Kaldiko celege bako lại daṛeakʼa;

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Daniel 2:6

Menkhan ińakʼ kukmũ ar ona reakʼ bhedpe lại daṛeakʼ, enḍekhan ape do iń ṭhen khon maraṅ puruskar, sandes, ar manotpe ńama. Onate ińakʼ kukmũ ar ona reakʼ bhedtetʼ bhaṅgaoạńpe.”

Daniel 4:14

Uni do ãṭ aṛaṅteye menkeda, ‘dare do makʼ bhindạṛpe ar ona reakʼ ḍạrko hese giḍipe; ona reakʼ sakamko hotʼ giḍikakʼpe ar ona reakʼ joko chiṭiạu giḍikakʼpe. Ar ona dare buṭạ khon janwarko ar ḍạrko khon cẽṛẽko ńir joṅma,

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 5:15

Noa olakʼ paṛhaokate ona reakʼ bhed lạiyạń lạgitʼ muhnidarko ar eṭakʼ sopolhako iń ṭhenko ạgu ocolena, menkhan noa reakʼ mane do bako lại daṛeada,

Daniel 5:16

Ińiń ańjomkeda, am do okoakʼko reaṅ manekom lại daṛeakʼa ar muskilakʼko hõm alga daṛeakʼa. Am do ńitokʼ noa ol akanakʼem paṛhao daṛeakʼ ar ona reakʼ bhedem bhaṅgao daṛeạń enḍekhan am do beguni kicricʼem horokʼ ocokʼa ar hoṭokʼre sona reakʼ mala hõm ńama ar rajosṭiren pea rapajko modre am hõ mitʼṭecʼ hudạm ńama.”

Daniel 5:29

Unre Beltsasarakʼ hukum leka Daniel do beguni kicricʼko horokʼadea ar uniyakʼ hoṭokʼre sona reakʼ mala hõ. Ar rajosṭiren pea rajko talare mitʼ hoṛakʼ hudạ emae reakʼ hõ lại sodorena.

Numeri 22:17

Uni do ạḍiye manotmea ar okam khoj onageye onkawama. Uni doe khojkana jemon senkate uni secʼ khon onko hoṛkom sarapako.”

Numeri 22:7

Unre bhạg ńel ocoy lạgitʼ Moab ar Midiạnren mukhiyạko do ṭaka-poesa soṅgekateko mohnḍayena. Ar Balak okae metatʼko tahẽkan onkage senkate Biliamko metadea.

Numeri 24:11

Am do ńitge nonḍe khon amakʼ disạmte ruạṛ calakʼme. Iń do ạḍitetʼ manotmeyiń menleda menkhan Probhu Isor do bae ńam ocowatʼmea.”

1 Samuel 17:25

Israelkoko roṛetʼ tahẽkana, “Uni hoṛ okoe do ghane ghạṛicʼe oḍok hijukʼkan, uni mape ńelekange? Uni do Israelkoe ṭiṭkạriyetʼkoa. Uni hoṛ jãhãegeye gocʼ daṛeae enḍekhan raj do uni hoṛ ạḍi utạr dhon-duribe emaea. Ar acʼren hoponera hõ uni sãoteye baplakaea ar Israel disạmre uniyakʼ gharońjrenko do khajna ar rajakʼ eṭakʼ jãhãnakʼ cetʼge emokʼ baṅ lagaoaea.”