Daniel 5:4 - সান্তালী বাইবেল

⁴ Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Daniel 5:4 Iomraidhean Croise

1 Rapajko 1:49

Adoniạren neota akan hoṛko do niạ kathako ańjomketʼ khan ạḍiko botorena ar beretʼkate apan ạpin horteko calao baṛayena.

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Daniel 1:8

Daniel do menkhan mone moneteye goṭakeda, rajakʼ jomakʼ ar darkha rasate apnar do bae besaphakʼa. Ar apnar jemon aloe besaphakʼ onate uni cạkrạkoren sordar ṭhene arojkeda.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:3

Unre Isorakʼ oṛakʼ khon sona reakʼ okako bhajan ạgu hoylen onako oḍok ạguketʼ khan raj do, acʼren mukhiyạko, uniren bạhuko ar chuṭki erako onare darkha rasako ńũkeda.

Daniel 5:5

Unre acʼkage manwawakʼ mitʼṭen ti do hecʼkate raj oṛakʼ reakʼ diuhe dohowakʼ ṭhen bhit cetanre okʼolkan ńel ńamena. Ar olokʼkan jokhecʼ raj do ona tiye ńel ńamkeda.

Amos 6:7

Onate okoe do bondikate eṭakʼ disạmteko idi ocokʼ onko modre apege pạhil thokren hoṛpe hoyokʼa; unre bhoj jom ar kunḍlạṅ hataṛokʼ do cabakʼtapea.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.