Daniel 5:23 - সান্তালী বাইবেল

²³ Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:23 Iomraidhean Croise

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

2 Rapajko 14:10

Edomren hoṛkom bhagao akatʼkote amakʼ mon do sạrige bạḍạite perecʼ akana. Ma ṭhonokokʼte dhirpurkokʼme, ar amakʼ oṛakʼrege tahenme. Cedakʼ muhin dom hoho ạgujoṅkana ar ona sãote Jihudạ reakʼ maraokʼ hõ?”

Jobakʼ 12:10

Uniyakʼ tirege sanam jiwiyankoakʼ jiwi do menakʼa; sanam manwakoakʼ sãhetʼ hõ uniyakʼ tirege menakʼa.

Jobakʼ 31:4

Uni do cetʼ ińakʼ dãṛãnko bae ńeleda? Ińakʼ taṛamko reakʼ cetʼ bae lekhayeda?

Sereńko 104:29

Mẽtʼãhãm danaṅetʼtam khan onko doko keklesedokʼ kana; ar onkoakʼ sahetʼem hatao ruạrletako khan onko doko gujukʼa,

Sereńko 115:16

Serma do Probhu Isorakʼ serma kana, menkhan dhạrti do manwakoe em akatʼkoa.

Sereńko 139:3

Am do ińakʼ kạmi ar jirạujoṅ reakʼ bhagetege khojem hataoeda; am do ińakʼ jion hor reakʼ hõ bhagetegem baḍaea.

Sereńko 146:4

Onkoakʼ jiwi oḍoklen tako khan onko do hasareko mesaokʼa, ar enhilokʼge onkoakʼ joto lekan goṭawakʼ do cabakʼtakoa.

Kạhtukko 20:24

Birbanṭa hoṛakʼ calakʼ reakʼ hor do Probhu Isorgeye ṭhik khan, enḍekhan manwa do acʼakʼ hor cekateye bujhạu daṛeakʼa?

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 14:13

Am do mone monetem meneda, ‘ińge sermateń rakapʼa, Isorren ipilko cetanre ińakʼ siṅghạson iń rakabtińạ; okare debotako jarwa midokʼ ona utạr senakʼ buru coṭre siṅghạsonreń duṛupʼa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Jesaea 33:10

Probhu Isore meneda, “Ńitokʼ doń teṅgokʼa, ńitokʼ doń usul ocokʼa, ńitokʼ do ińakʼ ṭhonok sodorokʼtińa.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Jirimiạ 10:23

E Probhu Isor, ińiń baḍaea manwawakʼ jion hor acʼ apnarakʼ do baṅkana; uniyakʼ jaṅga reakʼ dhap lạgitʼ hukum hõ uniyakʼ kạmi do baṅkana.

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jeheskel 28:17

Amakʼ mon do amakʼ mońjtetʼ iạte bạḍạiteye perecʼena ar amakʼ ṭhonok iạte amakʼ ạkil dom nosṭo akada. Onate iń do otreń lebda giḍikatʼmea; ar rapajko samaṅreń dohoketʼmea jemon onko do am ńelteko kusikʼ.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 28:5

amakʼ maraṅ ạkil reakʼ bạnij hotete amakʼ dhonem baḍhao ocoakada, ar ona dhonkote amakʼ mon do bạḍạite perecʼ akantama;

Jeheskel 31:10

“ ‘Ńitokʼ do iń Probhu Isorgeń meneda, ona doe usul akana, ona reakʼ muthni do rimile tiyạkʼ akada, ar usul akante bạḍạite perecʼ akana.

Daniel 11:12

Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 8:11

Ar acʼtetʼ do onko ipilren mạlik soman kanae menteye udukʼena. Uni ńutumte din hilokʼ reakʼ samaṅokʼakʼ porob uni doe bondkeda ar koejoṅ oṛakʼ hõe besonotkeda.

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Aposkạmi 17:25

Uni do jãhãn reṅgecʼ bạnukʼtaea, onate manwakoakʼ tite pujạ hatao hõ baṅ jạruṛaea, ente unige sanam manwako jiwi, sahẽtʼ ar eṭakʼ jotowakʼkoe danako kana.

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

1Timothi 3:6

Manḍerren ạyuricʼ do nãwã biswạsi hoṛ hõ alo jemone hoyokʼ, ente nãwã biswạsicʼ do bạḍạiteye phulạukʼa ar Soetan reakʼ bicạrreye khańjo botecʼkokʼa.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

Bikʼcạrko 16:23

Inạ tayom Philisṭikoren disạm cakʼlaoko do akoren debota Dagon ạḍi okocʼ dãṛẽ teṅgenae lạgitʼ ar rạskạkʼ lạgitʼ mitʼ ṭhenko jarwayena. Onkoko menkeda, “Aboren Isor do aboakʼ tire aboren bạiri Samsone jimạ akadea.”

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”