Daniel 5:2 - সান্তালী বাইবেল

² Darkha rasako ńũńũkan tahẽkanre Beltsasar doe hukumkeda, sona ar rupạ reakʼ bhajanko ạgui lạgitʼ one oka uniren apat Nebukadnesar do Jerusalem reakʼ mundil khone oḍok ạguakatʼ tahẽkan, jemon onakore uniren napṛakʼ napṛakʼko, uniren erako ar chuṭki erakoko ńũ daṛeakʼ.

Daniel 5:2 Iomraidhean Croise

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

2 Rapajko 24:13

Probhu Isor okalekae menletʼ onkage Nebukadenesar do Probhu Isorakʼ oṛakʼ ar raj oṛakʼ khon joto dhon duribkoe oḍok idikeda ar Israelren raj Solomon do Probhu Isorakʼ oṛakʼre lạgitʼ sonate okako jinise benao ocoletʼ onako jotowakʼ uni doe samakʼ khanḍa khunḍikeda.

2 Rapajko 25:15

Ar seṅgel dohoy lạgitʼ ḍhaknako, bạṭiko ar sona-rupạ reakʼ eṭakʼ sanamakʼ jinisko hõ rajren rurukhiyạ dolren subedar doe idikeda.

2 Bõsbudạ 11:20

Ona tayom Rehobiam do Absalomren hoponera Makaye baplakedea. Uniyakʼ kukhire do Ạbiạ, Atai, Sisa ar Selomit takoakʼ janam hoylena.

2 Bõsbudạ 15:16

Asa raj do acʼren goṛomtetʼ buḍhi Maka do rạni leka tahẽkantae hudạ khone ocokʼkedea, ente uni do hirkhạwạnicʼ Asera muṭhạne benaoleda. Ar Asa do ona muṭhạne makʼ rạputʼketʼte kedron soḍokʼre idikateye atar giḍikada.

2 Bõsbudạ 36:10

Bochor mucạtʼre Nebukadnesar raj do hoṛ kolkate uni ar uni sãote Probhu Isorakʼ oṛakʼ reakʼ damanakʼ jinisko Babelteye idikedea, ar Jehoyakinren bokottetʼ Sedekiạ do Jihudạ ar Jerusalemren raje dohokedea.

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.

Esra 5:14

Uni do Babel reakʼ mundil khon Isorakʼ oṛakʼ reakʼ sona ar rupạ reakʼ bhajankoe oḍok akada one okaṭakʼ do Jerusalem mundil khon Nebukadnesare idiletʼ tahẽkan. Ar Keros raj do acʼe bahal akade subedar Sesbasarakʼ tire onakoe jimạ akada.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Jirimiạ 52:19

Rajren rurukhiyạ dolren subedar do sona se rupạte benaoakʼ bhajanko, seṅgel dohoy reakʼ celaṅko, bạṭiko, diuhe dohowakʼko, belcako, coḍor lạgitʼ loṭako ar eṭakʼ okako bhajan tahẽkan onako jotoko idikeda.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 5:13

Unre Daniel do raj samaṅreye ạgu ocoyena, ar raj do uniye metadea, “Am do cetʼ uni Daniel kanam onko Jihudikoren mitʼ hoṛ okoe do iń baba Jihudạ disạm khon bondikateye ạguletʼko?

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:3

Unre Isorakʼ oṛakʼ khon sona reakʼ okako bhajan ạgu hoylen onako oḍok ạguketʼ khan raj do, acʼren mukhiyạko, uniren bạhuko ar chuṭki erako onare darkha rasako ńũkeda.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Numeri 7:79

Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ reakʼ thạri ar eaesae gram ojon reakʼ mitʼṭecʼ rupạ reakʼ bạṭi;