Biblia Todo Logo
Bìoball air-loidhne

- Sanasan -




Daniel 5:19 - সান্তালী বাইবেল

19 Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.

Faic an caibideil Dèan lethbhreac




Daniel 5:19
22 Iomraidhean Croise  

Uni do Jehoyakin sãote mońjteye galmaraokeda ar Babelre uni sãote okoe rajko tahẽkan onko khon hõ ḍher manotakʼ ṭhạ̃ireye duṛupʼkedea.


Rajakʼ raṅgao do moronren goḍet leka, menkhan ạkilan hoṛ do raṅgaoe thir ocoya.


Usạrate raj bạgikate alom calakʼa. Ar bạṛicʼ jãhãnakʼ sãote alom seledokʼa, ente raj do acʼakʼ sana lekae kạmikana.


Ona iạte iń do boṅgan hoṛ jạtren disạm cakʼlaoyicʼakʼ tireń soprot akadea; uni do uniyakʼ bạṛicʼtetʼ lekate uni tulucʼe beohara. Uni doń nihạ̃t giḍi akadea.


Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.


Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.


Unre mitʼṭen daṛean raje upelokʼa ar maraṅ daṛeteye rajokʼa; uni do acʼakʼ kusi lekae kạmiya.


“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.


Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”


Unre roṛ saḍeyicʼ do ãṭ aṛaṅte noa kathae lại saḍekeda, “E eṭakʼ eṭakʼ jạtrenko, disạm ar pạrsirenko, ape do noa hukumpe emocokʼ kana,


Ar jãhãege ombakʼkate bae sewae uni do unrege ona jolokʼkan culhạreye khadle ocokʼa.”


“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’


Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”


E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.


Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.


Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”


Sanamkoge disạm cakʼlaoko tabereko tahenma; ente Isor okoeye hoeocoye uni chaḍa ar okoe hõ ektiạrianicʼ do bae hoedaṛeakʼa. Isorge disạm cakʼlaokoe bahal akatʼkoa;


Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.


Lean sinn:

Sanasan


Sanasan