Daniel 4:7 - সান্তালী বাইবেল

⁷ Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 4:7 Iomraidhean Croise

Genesis 41:24

Ar eae goṭecʼ copa copa gele do ona danawanakʼ gelekoe utʼkeda. Iń do noako katha gonokkoń lạiyatʼkoa, menkhan celege noa reakʼ mane do bako lại daṛeạdińa.”

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Sereńko 37:35

Bedhorom hoṛ do ạḍi haḍrap iń ńel akadea, nij hasare harakʼkan hạriạṛ dare leka uni doe jhạṛpạkʼ kana.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jeheskel 31:3

Ạsur reakʼ katha hudiskate ńelme, uni do mitʼ din Lebanon reakʼ debdạru dareye tahẽkana. Uniyakʼ mońj mońj ḍạrko do birre umuletʼ tahẽkana; uni do ạḍi usule tahẽkana, ar ona reakʼ muthni do rimil hạbicʼ ṭuṅgạu akan tahẽkana.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

Daniel 2:10

Kạldiko do rajko roṛ ruạṛadea, “Maharaj ale ṭhen khon oka baḍae joṅem menetʼkan ona baḍae daṛeakʼ leka nonkan hoṛ do dhạrtire cele hõ bạnukʼkoa. Okoe maraṅ raj hõ tisge nonkanakʼ reaṅ jãhãe gonokko, muhnidarko ar kạldiko ṭhen do bae kulkli akada.

Daniel 2:27

Daniel do uniye metadea, “Maharaj oka bin baḍaeakʼ reaṅem kulikan ona do gonokko, muhnidarko ar Kaldiko celege bako lại daṛeakʼa;

Daniel 2:7

Onko do uniko roṛ ruạṛadea, “Maharaj do acʼren gutiko ṭhen acʼakʼ kukmũ baṛeye lạima, ar ale do ona reakʼ bhedle lạiyaea.”

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Daniel 5:8

Rajren sanam ạkilan hoṛ do hecʼkate bhitriteko boloyena menkhan okoege ona do bako paṛhao daṛeada se raj hõ ona reakʼ mane do bako lại daṛeadea,