Daniel 4:34 - সান্তালী বাইবেল

³⁴ Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Daniel 4:34 Iomraidhean Croise

2 Samuel 22:31

Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Sereńko 102:24

Onateń meneda, “E ińren Isor, amakʼ emakʼ bahaokʼ atra horre alo baṛem idiyińạ; ente am do jaejug hạbicʼ menama.

Sereńko 107:15

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:22

Onko do gun manaoren dãṛẽkoko dãṛẽkoma, ar rạskạ sereńte uniyakʼ sanam kạmi reakʼ kathako lại jạhirma.

Sereńko 107:31

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:8

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaokedea.

Sereńko 111:7

Uniyakʼ sanam kạmire uni do pạtiạr ar dhoromteye perecʼgea; uniyakʼ sanam ạnko do pạtiạrgea.

Sereńko 121:1

Iń do buruko secʼ iń beṅgetʼ rakapʼeda; oka khon ińakʼ goṛo do hijukʼa?

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

Sereńko 145:13

Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Sereńko 146:10

Probhu Isor do jaejug hạbicʼe rajokʼa; E Sion, piṛhike piṛhi amren Isor doe rajokʼa. Probhu Isorakgeʼ sarhao hoyokʼtae ma.

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Sereńko 66:7

Uni do acʼakʼ daṛetege jaejug hạbicʼe rajokʼa; uniyakʼ mẽtʼ do sanam jạtrenko cetanre menakʼa. Isor upạrte okoeko teṅgonkan onko do apnarte maraṅ aloko hudisokʼma. (Sela)

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Sereńko 9:2

Iń do amrege hulạs ariń rạskạkʼa. E maraṅ Isor, amakʼ ńutumteń õṛhẽ sereńa.

Sereńko 92:1

E Probhu, maraṅ Isor, gel taranakʼ banamte, binạ banam ar peṛesaṅ banamte am sarhaome reakʼ, amakʼ sarhao sereńam reakʼ, ar setakʼre amakʼ asambheṛ dulạṛ reakʼ katha ar ńindạ jokhecʼ amakʼ pạtiạr reakʼ katha lại jạhir do samani rạskạ reakʼ kana!

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 24:15

Ona iạte purub secʼrenko do Probhu Isorko sarhaoema ar sạṅgiń disạmren hoṛko do Israelren Probhu Isorko õṛhẽ sereńaema.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Rak̕joṅ 3:38

Maraṅ Isorakʼ moca khonge cetʼ bhalạiyanakʼ ar bin bhạlạiyanakʼ cetʼ baṅ oḍokokʼ kana?

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 4:2

Maraṅ Isor iń lạgitʼ okako cinhạ ar hahaṛawakʼkoe kạmi akatʼ ona do kusite apeń baḍae ocoyetʼpea.

Daniel 4:26

Rehetʼ sudhạ dare reakʼ gonḍa dohokakʼ reakʼ hukum do hoyokʼ kana, am do tinrem aṅgoca sermaren Isorgeye rajokʼkana unre amakʼ rajosṭi do amgem em ruạṛ ocokʼa.

Daniel 4:3

Uniyakʼ cinhạko do maraṅgea, uniyakʼ hahaṛa kạmiko do heṛan daṛeana! Uniyakʼ rajosṭi do jaejug reakʼ rajosṭi kana, ar uniyakʼ raj do piṛhi cetan piṛhige.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:36

Tinre ińakʼ mon bogeyentińạ unre ińakʼ rajosṭi reakʼ manot lạgitʼ ińakʼ ṭhonok do ińiń em ruạṛ ocoyena. Ińren montriko ar mukhiyạko do ińko sendra ńamkedińạ ar siṅghạsonre arhõko duṛupʼkedińa ar iń do laha khon arhõ maraṅiń hoyena.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Daniel 9:14

Onatege E Probhu Isor, am do muhinem ṭhik dohoakada jemon ale cetanre ńitem kol daṛeakʼ, ente aleren Probhu do sanamakʼ kạmirege hokakʼren Isor kanae; enhõ ale do amakʼ katha bale ańjomleda.

Jona 1:14

Unre onko do Probhu Isor hohoadeteko menkeda, “E Probhu Isor, nui hoṛakʼ gujukʼ iạte alo jemonle gujukʼ. Ar mitʼṭen miridos hoṛakʼ gujukʼ iạte ale do alom dusi ocolea, ente E Probhu Isor, am do amakʼ sana lekam kạmikana.”

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Luk 1:33

Uni do Jakob bõsrenko cetanre jaejug hạbicʼe rajokʼa. Ar uniyakʼ raj do tishõ baṅ mucạdokʼtaea.”

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 4:10

onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,