Daniel 4:32 - সান্তালী বাইবেল

³² Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:32 Iomraidhean Croise

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Jobakʼ 42:2

“Ińiń baḍaea am do jotowakʼgem daṛeakʼa; amakʼ jãhãn goṭawakʼge baṅ akoṭ akana.

Jobakʼ 9:12

Uniye rerecʼ khan okoe uni doe tạkicʼ daram daṛekea? Okoe uniye kuli daṛekea, ‘am do cetʼem cekayeda mente?’

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Jesaea 40:17

Jạt jạtrenko do uni samaṅre cele hõko baṅkana; onko do celege bae moneyetʼkoa; uni ṭhen do ạuṛiyakʼgeko lekhakʼ kana.

Jesaea 45:3

Iń do ńut jaegare oko danaṅakʼ acel pacel dhonkoń emama, jemonem baḍae daṛeakʼ, iń kangeạń Probhu, Israelren Isor do, one okoe do ńutum ńumkateye hohowamkan.

Jirimiạ 27:5

‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Daniel 4:31

Uni do katha ạuriye mucạdrege serma khon okoe coṅe menkeda, “E Nebukadnesar raj, am dom men ocoakana je, amakʼ rajosṭi do am khon recʼ hatao akana.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”