Daniel 4:27 - সান্তালী বাইবেল

²⁷ Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Daniel 4:27 Iomraidhean Croise

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Kạhtukko 11:2

Bạḍại são sãote opoman hõ hijukʼa, menkhan mạ̃hir sãote do ạkil hijukʼa.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jesaea 10:13

ente uni doe mena, ‘ińakʼ ti reakʼ daṛe ar ạkilte noań kạmi akada, ente bud menakʼtińạ. Jạtrenkoakʼ simạ doń sạṅgiń akada, onkoakʼ dhon durib iń luṭ akatʼtakoa; ar daṛean bir leka onkoren rajiń dobnao akatʼkoa.

Jesaea 47:10

Am do amakʼ ona dusṭami cetanrem bhorsakʼkana arem meneda, ‘celehõ bako ńeńel kana.’ Amakʼ ạkil ar bidiạge am dokin bhaṅgṭao akatʼmea; ente mone monetem meneda, ‘eken iń eskarge minạńa, iń chaḍa ar okoehõ bạnukʼkoa.’

Jesaea 47:8

“Ńitokʼ ańjomme, E suk bhog dulạṛetʼkạnicʼ; am do nirdạndi duṛupʼkate mone monetem meneda, ‘eken ińge minạńa, iń chaḍa do celege bạnukʼkoa. Iń do tishõ bạń rạnḍikʼa se gidrạ atʼko reakʼ dukte bạń dukokʼa.’

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

Jirimiạ 38:20

Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jeheskel 29:9

Misor do mitʼṭecʼ ujạṛakʼ ṭhạ̃ige hoyokʼa. Unre hoṛko baḍae daṛeakʼa, ińkangeạń Probhu Isor do. “Am dom menetʼkana, nil gaḍa do amakʼ kana ar amge ona dom benao akada.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Amos 6:13

Am do Lo-dabarrem (mane do ‘Ạuṛiyakʼ ’) hat akatʼtem rạskạkʼkana, arhõm roṛ baṛayeda, “Ale do cetʼ apnarakʼ daṛete Korniạm (mane do ‘Daṛeanakʼ dereń’) do bale ạidạri akawana?”

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Habakkuk 1:11

Ar ona tayom do hadaṛ hadaṛ hoe lekako parom calakʼkana. Onko hoṛ doko dusigea, ente onkoren debota do akoakʼ daṛege.”

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Aposkạmi 24:25

Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiyadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoawma.”

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

Dosar Biboron 24:13

Menkhan cando hạsurokʼre onape ruạṛkataea jemon onate oyokateye jạpitʼ daṛeakʼ. Ar onate uni do apeakʼ bhạlại lạgitʼe koeya, ar aperen Probhu Isor samaṅre dhoromge hoyokʼtapea.

Dosar Biboron 32:27

Menkhan iń doń baḍaekan tahẽkana bạiriko do bạḍạiteko perejokʼa ar begor bujhạuteko roṛa baṅma onkoakʼge jitạu do hoyakana; Probhu Isor do noako reakʼ cetʼge bae ceka akada.”

Dosar Biboron 8:17

Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.