Daniel 4:19 - সান্তালী বাইবেল

¹⁹ Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 4:19 Iomraidhean Croise

Genesis 31:35

Sesre Rahel do acʼ babae metadea, “Ńelme, bạń beretʼ daṛeakʼkante alom ạṛisokʼa, ente iń do candoteakʼ hoyokʼ kantińạ.” Laban do sucʼ sutrucʼ sendrakate hõ onko boṅga murhutʼ do bae ńamletʼkoa.

Genesis 32:18

Unrem mena, ‘noko do amren guti Jakobren kanako. Uni do acʼren kisạ̃ṛ Esau lạgitʼ noa dane kol akada, ar uni do ale tayomre menaea.’ ”

Genesis 40:12

Joseph do uniye metadea, “Amakʼ kukmũ reakʼ mane do noage. Pea ḍạr do hoyokʼ kana pe din.

1 Rapajko 18:7

Obediạ do horteye calakʼkan tahẽkanre Eliạ sãoteye ńapamena. Obediạ do uniye ńel oromkede khan otre ombakʼkate joharadeteye menkeda, “E ińren mạlik Eliạ, sạrigem am kangea?”

Exodus 32:32

Menkhan ńitokʼ do ma dayakate onkoakʼ ghạṭko ikạ katakom, ar bam onkawako khan amakʼ puthi khon ińakʼ ńutum baṛe meṭao giḍikakʼme.”

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Daniel 1:7

Uni cạkrạkoren sordar do onkoakʼ nãwã ńutume dohoketʼtakoa; Daniel do Beltesasar, Hanaiạ do Sadrak, Misayel do Mesak ar Asariạ do Abed-nego ńutume emadea.

Daniel 2:26

Daniel, okoe do Beltesasar ńutumteye hoho ocokʼkan tahẽkan raj do uniye kulikedea, “Am do cetʼ ińakʼ kukmũ ar ona reakʼ manetetʼem lại daṛeạńạ?”

Daniel 2:37

E maharaj, am do rapajkoren raj kanam, sermaren Isor do rajosṭi, ektiạri, daṛe ar ṭhonoke em akatʼmea.

Daniel 4:24

“E maharaj, ńitokʼ okań menetʼkan ona do ińren kisạ̃ṛ maharajakʼ kukmũ reakʼ bhedkana. Noa do Coṭ utạricʼakʼ hukum kangea.

Daniel 5:12

Daniel ńutuman nui hoṛ do Beltesasar mente hõe bahnaledea. Unire do mitʼṭen soros utạr jiue menaea, uni do bidiạ ar buj ar kukmũ reakʼ bhede bhaṅgao daṛeakʼkan tahẽkan ar kudumko ar muskilakʼko reakʼ hõe bhoṅ daṛeakʼkan tahẽkan. Am do uni Daniel hoho ạguiyem; unige noa olakʼ reakʼ bhede lạiyama.”

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 5:19

Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.

Daniel 7:15

“Unre iń Daniel do kukmũ talare monre kosṭoń ạikạukeda ar okakoń ńelketʼ ona do ińe kạulạ kạuli ocoyedeń tahẽkana.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.

1 Samuel 24:8

Ona tayom Dạud hõ dander khone oḍokente ãṭ aṛaṅte Sạul hohoateye metadea, “E ińren mạlik, maharaj!” Ar Sạul do tayom secʼe beṅgetʼ ạcurketʼ khan Dạud do otre ombakʼkate Sạule ḍobokʼadea.

1 Samuel 26:15

Dạude menkeda, “Am do cetʼ mitʼṭen bir kanam? Israelko modre am leka do cetʼ jãhãe menakʼkoa? Cedakʼ enḍekhan bạiriko khon amren mạlik maharaj do bam pahra doholedea? Amren mạlik maharaj goje lạgitʼ mitʼṭen hoṛ do onḍeye calaoena.

1 Samuel 3:17

Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”